Weekly Horoscope : साप्ताहिक भविष्य; १४ ते २० एप्रिल २०२४

मेष : या आठवड्यात अनुकूल ग्रहमानाची साथ मिळाल्याने महत्त्वाची कामे हातावेगळी करता येतील. मालमत्ता, जमीन-जुमला याविषयीची दीर्घकाळ रखडलेल्या कामांना गती मिळेल. चांगल्या बातम्या मिळतील. सरकारी महत्त्वाची कामे विनाविलंब होण्याची शक्यता. अडचणी दूर होतील. नोकरीमध्ये प्रगतीच्या दृष्टिकोनातून अनुकूल कालावधी. उन्नती, प्रगती होईल. वरिष्ठ आपल्या कामावरती खूश राहतील. आपल्या कामाची प्रशंसा होईल. जर नोकरीत बदल करायचा असेल तर त्यादृष्टीने प्रयत्न करण्यासाठी उत्तम काळ आहे. प्रयत्नांना यश मिळेल. ओळखीचे फायदे होतील. समाजातील मान्यवरांकडून मदत तसेच सहकार्य मिळू शकते. सामाजिक कार्यात यश मिळेल.

वृश्चिक : धनलाभाच्या दृष्टीने सप्ताह चांगली फळे देईल. अनेक मार्गांनी धनलाभ होऊ शकतो. विविध प्रकारच्या लाभानी लाभान्वित व्हाल. चालू नोकरीत अपेक्षित घटना घडून पदोन्नती मिळू शकते. लहान-मोठे प्रवास करावे लागतील. जबाबदाऱ्यांमध्ये वृद्धी होण्याची शक्यता. व्यवसाय धंद्यात नवीन नवीन संधी उपलब्ध होतील. व्यवसायिक जुनी येणी वसूल होतील तसेच व्यवसायिक जुनी नाती नव्याने प्रस्थापित होतील. काही फायद्याचे सौदे हाती येतील. कुटुंब परिवारातील तरुण-तरुणींच्या विवाहातील अडचणी दूर होतील. नोकरीविषयक प्रश्न सुटतील. चालू नोकरीत अनुकूल परिस्थिती राहील.

मीन :  आपल्या कर्तृत्वाला वाव मिळून कर्तृत्व सिद्ध करण्याच्या संधी मिळतील. नोकरीमध्ये आपल्या कामाचे कौतुक होऊन प्रशंसेस पात्र ठराल. एखादी महत्त्वाची जबाबदारी स्वीकारावी लागण्याची शक्यता. महत्त्वाच्या कामगिरीसाठी आपली निवड होऊ शकते. खेळाडू कलाकार यांना अनुकूल कालावधी. केलेल्या कष्टाचे चीज होईल. प्रसिद्धीबरोबरच अर्थार्जन यामध्ये वाढ होईल. एकूणच आर्थिक आवक चांगली राहिल्यामुळे खर्च करू शकाल. कुटुंबासाठी तसेच स्वतःसाठी नवीन खरेदी होईल. सुशोभीकरणासाठी खर्च होऊ शकतो. व्यवसाय धंद्यात विविध प्रकारचे लाभ होण्याची शक्यता. जुनी येणी वसूल होतील. कायदेशीर कामे पूर्ण होतील. स्वतःच्या प्रकृतीकडे लक्ष ठेवा.