स्थायी समितीच्या बैठकीत प्रस्ताव मंजूर
मुंबई (विशेष प्रतिनिधी) : विलेपार्ले येथील कुपर रुग्णालयात सध्या १० खाटांचे वैद्यकीय अतिदक्षता विभाग अर्थात मेडिकल इंटेसिव्ह केअर युनिट-एमआयसीयू बनवण्यास महापालिका स्थायी समितीने हिरवा दिवा दाखवला. याबाबतच्या प्रस्तावाला स्थायी समितीच्या बैठकीत मान्यता देण्यात आली. त्यामुळे पुढील सहा महिन्यात याचे बांधकाम पूर्ण जाऊन मार्च २०२७ पर्यंत या एमआयसीयूची सेवा उपनगरातील रुग्णांना प्राप्त होणार आहे.
दुबई : संयुक्त अरब अमिरातीचा (UAE) अनुभवी फलंदाज आसिफ खान याच्यावर आंतरराष्ट्रीय क्रिकेट परिषदेने (ICC) डोपिंग नियमांचे उल्लंघन केल्याप्रकरणी १५ ...
विलेपार्ले येथील डॉ. रुस्तम नर्सी कूपर महापालिका सर्वसाधारण रुग्णालय हे पश्चिम उपनगरातील एकूण ७०० रुग्णशय्या असलेले प्रमुख रुग्णालय आहे. सद्यस्थितीत, कूपर रुग्णालयामध्ये १० रुग्णशय्या असलेला वैद्यकीय अतिदक्षता विभाग (एमआयसीयू) असून हा रुग्णालयीन इमारतीच्या उच्चस्तर 'एफ' विंग येथे कार्यरत आहे. कूपर महापालिका सर्वसाधारण रुग्णालयामध्ये दाखल होणाऱ्या रुग्णांची संख्या पाहता अतिरिक्त किमान २५ रुग्णशय्येचा वैद्यकीय अतिदक्षता विभाग सुरु करण्यासाठी मॅक एंटरप्रायझेस या कंपनीची निवड करण्यात आली असून याकरता १२,२८ कोटी रुपये व विविध करांसह १६.०२ कोटी रुपये खर्च करण्यात येणार आहे.
याबाबतचा प्रस्ताव मंजुरीला आला असता मनसेचे यशवंत किल्लेदार यांनी यासाठी ऑक्सिजन, व्हेंटिलिटर आदींची व्यवस्था काय आहे असा सवाल केला. तर भाजपाचे तेजिंदर सिंग तिवाना यांनी या प्रस्तावाच्या माध्यमातून ४ प्रमुख रुग्णालयांसह उपनगरीय रुग्णालयांमध्ये एम.आय.सी.यू ची किती सुविधा आहे याची माहिती देण्यात यावी. अशी विचारणा केली. तर भाजपाच्या प्रिती सातम यांनी सन २०१५पासून प्रमुख रुग्णालयाचा दर्जा प्राप्त झाल्यानंतरही या रुग्णालयांत एमआयसीयूच्या केवळ १०खाटाच होत्या. म्हणजे आपण ११ वर्षांनंतर येथील एमआयसीयूची कक्ष वाढवून आता अधिक २५ खाटा वाढवायला निघालो आहे. मग एवढा विलंब का झाला. असा प्रश्न उपस्थित केला. तर उबाठाचे शैलेश फणसे यांनी उपनगरांत हे वैद्यकीय महाविद्यालय सुरू का केले असे सांगत या एम.आय.सी.यू ची किती आवश्यकता आहे हे विषद केले. तर या काँग्रेसचे अश्रफ आझमी आणि राष्ट्रवादी काँग्रेसच्या डॉ.सईदा खान यांनी या चर्चेत भाग घेतला होता. त्यानंतर स्थायी समिती अध्यक्ष प्रभाकर शिंदे यांनी हा प्रस्ताव मंजूर केला.
