बीड : नीट पेपरफुटी विरोधात आधी सोशल मीडियात कॅम्पेन नंतर जंतरमंतरवर सोनम वांगचुकच्या सहकार्याने आंदोलन केल्यामुळे चर्चेत आलेला अभिजीत दिपके याच्या अडचणीत वाढ झाली आहे. सीजेपीचा (कॉक्रोच जनता पार्टी) अर्थात झुरळांच्या पार्टीचा संस्थापक अभिजीत दिपके याने स्वतःच्या घराजवळ एका पोलिसाला वाईट वागणूक दिली. या प्रकरणी दिपकेने संबंधित पोलिसाची माफी मागावी, अशी मागणी पोलीस बॉइज संघटनेने केली आहे. ज्याला वाईट वागणूक दिली त्या पोलिसाचे पाय धरून त्याची जाहीर माफी मागा; अशी मागणी पोलीस बॉइज संघटनेने दिपकेकडे केली आहे.
सुप्रिया सुळे यांची माहिती; ‘एफसीआरए’ विधेयकाबाबत चर्चेतून मार्ग काढण्याचे आवाहन मुंबई : महाराष्ट्रातील पाणीटंचाईचा प्रश्न आणि विकासकामांच्या ...
पोलिसाला वाईट वागणूक देणाऱ्या दिपके विरोधात तरुणांनी आंदोलन सुरू केले आहे. यामुळे आधी तरुणांसाठी आंदोलन करणारा आता तरुणांच्याच आंदोलनामुळे अडचणीत सापडला आहे. दिपकेने सार्वजनिक ठिकाणी अनेकांच्या उपस्थितीत पोलीस निरीक्षकाला अर्थात पोलीस इन्स्पेक्टरला झापले होते. यामुळेच ज्याला वाईट वागणूक दिली त्या पोलिसाची सार्वजनिक ठिकाणी नागरिकांच्या उपस्थितीत पाय धरून माफी मागा, अशी मागणी पोलीस बॉइज संघटनेने दिपकेकडे केली आहे. विशेष म्हणजे स्वतःला तरुणांचा नेता म्हणवणाऱ्या दिपकेनेच चुकीचे वर्तन केल्यामुळे त्याच्याकडूनच पोलीस बॉइज संघटनेने माफीची मागणी केली आहे. या मागणीला अद्याप दिपकेने उत्तर दिलेले नाही.
- तब्बल ९० टक्क्यांच्या पुढे गेलेला साठा चार दिवसांत दीड टक्क्यांनी झालाय कमी मुंबई (विशेष प्रतिनिधी) मुंबई पाणी पुरवणाऱ्या तलावांमधील पाणी वाढत ...
याआधी केंद्र सरकारने पेपरफुटीविरोधात कठोर कायदा करण्याचे आश्वासन देताच वांगचुकने उपोषण सोडले. यानंतर काही दिवसांतच केंद्र सरकारने पेपरफुटीविरोधात कठोर कायदा केला. हा कायदा झाल्यानंतर दिपके आणि त्याच्या सहकाऱ्यांनी विजय मिळाला असा प्रचार करत प्रायव्हेट दारू पार्टी केली. या घटनेनंतर दिपके मराठवाड्यातील त्याच्या घरी गेला, त्यावेळी घराजवळ त्याने एका पोलिसाला वाईट वर्तणूक दिली होती. हेच प्रकरण आता चिघळले आहे आणि पोलीस बॉइज संघटनेने दिपके विरोधात आंदोलन सुरू केले आहे. सरकार विरोधात आंदोलन करणाऱ्या दिपकेला सरकारने पोलीस संरक्षण दिले आहे. आपले कर्तव्य करत असलेल्या पोलिसाला सहकार्य करायचे सोडून दिपके जर अधिकाऱ्याला वाईट वागणूक देत असेल तर त्याने आधी स्वतःची वागणूक सुधारावी आणि पोलीस अधिकाऱ्याची माफी मागावी, अशी तरुणांची मागणी आहे.
