सुप्रिया सुळे यांची माहिती; ‘एफसीआरए’ विधेयकाबाबत चर्चेतून मार्ग काढण्याचे आवाहन
मुंबई : महाराष्ट्रातील पाणीटंचाईचा प्रश्न आणि विकासकामांच्या प्रलंबित मुद्द्यांवर चर्चा करण्यासाठी राष्ट्रवादी काँग्रेसच्या (शरदचंद्र पवार गट) खासदार सुप्रिया सुळे यांच्या नेतृत्वाखाली पक्षाचे सर्व आठही खासदार सोमवारी पंतप्रधान नरेंद्र मोदी यांची भेट घेणार आहेत. सुप्रिया सुळे यांनी याबाबत माहिती दिली.
नवी दिल्ली: संसदेत सुरू असलेल्या गदारोळादरम्यान पंतप्रधान नरेंद्र मोदी यांनी राष्ट्रीय लोकशाही आघाडीच्या (एनडीए) लोकसभा खासदारांची नाश्त्यावर बैठक ...
सुळे यांनी सांगितले की, येत्या सोमवारी सकाळी ११ वाजता आमच्या पक्षाच्या आठही खासदारांचे शिष्टमंडळ नवी दिल्लीत पंतप्रधान नरेंद्र मोदी यांची भेट घेणार आहे. सध्या महाराष्ट्रात पाण्याचा प्रश्न अत्यंत गंभीर बनला असून, ग्रामीण तसेच शहरी भागातील जनतेला याचा मोठा फटका बसत आहे. याशिवाय, आमच्या सर्व खासदारांच्या आपापल्या मतदारसंघातील विकासाच्या चौकटीतले अनेक महत्त्वाचे आणि प्रलंबित प्रश्न आहेत. राज्याच्या हिताच्या या सर्व मुद्द्यांवर पंतप्रधानांशी सविस्तर चर्चा करून तोडगा काढण्यासाठी या विशेष भेटीचे आयोजन करण्यात आले आहे.
नवी दिल्ली : पुढील वर्षी होणाऱ्या पंजाब विधानसभा निवडणुकीपूर्वी माजी मित्रपक्ष असलेल्या भारतीय जनता पक्ष (भाजप) आणि शिरोमणी अकाली दल पुन्हा एकत्र ...
या पत्रकार परिषदेत सुप्रिया सुळे यांनी केंद्र सरकारच्या प्रस्तावित एफसीआरए (फॉरेन कंट्रीब्युशन रेग्युलेशन ॲक्ट) विधेयकावर पक्षाची भूमिका स्पष्ट केली. या बिलाला आमच्या पक्षाचा विरोध असल्याचे सांगत त्या म्हणाल्या की, केंद्र सरकारने हे विधेयक मंजूर करण्यासाठी कोणतीही घाई करू नये. लोकशाही मार्गाने संसदेत आणि संसदेबाहेर यावर व्यापक चर्चा झाली पाहिजे. हे बिल आमच्यावर बळजबरीने लादू नका. जर परदेशातून चुकीचा पैसा येत असेल, ड्रग्जच्या माध्यमातून पैसा येत असेल किंवा अन्य काही देशविरोधी बाबी असतील, तर त्याला आमचाही पूर्ण विरोध आहे आणि सरकारने त्यावर कठोर कारवाई करावी. परंतु, जर काही संस्था किंवा लोक परदेशातून समाजोपयोगी कामांसाठी प्रामाणिकपणे मदत करू इच्छित असतील, तर त्याला अडचण काय? प्रत्येक गोष्टीकडे आणि मदतीकडे संशयाच्या किंवा वाईट नजरेने का पाहिले जावे, असा सवाल त्यांनी उपस्थित केला. या कायद्याच्या तरतुदींवर आम्ही सरकारसोबत संयुक्त चर्चा करण्यास पूर्णपणे तयार आहोत, असेही त्यांनी स्पष्ट केले.
