ब्रिजटाउन : क्रिकेटच्या इतिहासातील महान खेळाडू आणि अष्टपैलू खेळाडूंचे प्रतीक मानले जाणारे सर गारफिल्ड सोबर्स यांचे शुक्रवारी बार्बाडोस येथील त्यांच्या निवासस्थानी निधन झाले. ते ८९ वर्षांचे होते. त्यांच्या निधनाने क्रिकेट विश्वावर शोककळा पसरली आहे. (Sir Garfield Sobers )
नवी दिल्ली : एखाद्या खुनाच्या प्रकरणात मृतदेह सापडला नाही, तर आरोपी निर्दोष सुटू शकत नाही, असा अत्यंत महत्त्वाचा आणि ऐतिहासिक निकाल सर्वोच्च ...
वेस्ट इंडीजचे हे महान क्रिकेटपटू १९५४ ते १९७४ या दोन दशकांच्या कारकिर्दीत क्रिकेट विश्वावर अधिराज्य गाजवत होते. फलंदाजी आणि गोलंदाजी अशा दोन्ही आघाड्यांवर त्यांनी असे निकष प्रस्थापित केले, जे आजही अनेकांसाठी ध्येय आहेत. 'क्रिकेट वेस्ट इंडीज'ने सोशल मीडियावर श्रद्धांजली वाहताना म्हटले आहे की, "एका महान इनिंगचा आज शेवट झाला आहे. ते आमच्या हृदयात नेहमीच राहतील."
नवी दिल्ली : देशभरात आतापर्यंत अंदाजे ३३९ रुग्ण आढळले आहेत. केरळमध्ये सर्वाधिक ११५ रुग्ण आढळले असून, त्याखालोखाल कर्नाटकात ६४, महाराष्ट्रात ४३ आणि ...
सोबर्स यांनी वेस्ट इंडीजसाठी ९३ कसोटी सामने खेळताना ५७.७८ च्या सरासरीने ८,०३२ धावा केल्या, ज्यामध्ये २६ शतकांचा समावेश आहे. गोलंदाज म्हणून त्यांनी ३४.०३ च्या सरासरीने २३५ बळी घेतले. विशेष म्हणजे, ते वेगवान गोलंदाजीसोबतच ऑर्थोडॉक्स आणि रिस्ट स्पिन अशी दोन्ही प्रकारची गोलंदाजी सारख्याच प्रभावीपणे करू शकत होते. १९५८ मध्ये त्यांनी पाकिस्तानविरुद्ध नाबाद ३६५ धावांची ऐतिहासिक खेळी केली होती. ३६ वर्षे हा कसोटी क्रिकेटमधील सर्वोच्च वैयक्तिक धावसंख्येचा विश्वविक्रम होता. १९६८ मध्ये नॉटिंगहॅमशायरकडून खेळताना त्यांनी प्रथम श्रेणी क्रिकेटमध्ये एका षटकात सहा षटकार मारण्याचा कारनामा करणारा पहिला खेळाडू होण्याचा मान मिळवला.सोबर्स यांच्या अतुलनीय योगदानासाठी १९७५ मध्ये राणी एलिझाबेथ द्वितीय यांनी त्यांना 'नाइटहूड' देऊन सन्मानित केले होते. २००० मध्ये त्यांना 'विस्डनचे २० व्या शतकातील पाच क्रिकेटपटू' म्हणून गौरवण्यात आले होते. आजही आयसीसी दरवर्षी पुरुष आंतरराष्ट्रीय क्रिकेटमधील सर्वोत्कृष्ट कामगिरी करणाऱ्या खेळाडूला 'सर गारफिल्ड सोबर्स ट्रॉफी' देऊन सन्मानित करते.(Sir Garfield Sobers )
