न्यूयॉर्क: फिफा विश्वचषक २०२६ च्या बहुप्रतिक्षित अंतिम सामन्यासाठी पंचांची घोषणा करण्यात आली असून, स्लोव्हेनियाचे अनुभवी रेफरी स्लाव्हको विन्सिच यांच्यावर या हाय-प्रोफाईल सामन्याचे संचालन करण्याची महत्त्वाची जबाबदारी सोपवण्यात आली आहे. येत्या रविवारी न्यूयॉर्कमध्ये अर्जेंटिना आणि स्पेन यांच्यात होणाऱ्या या अंतिम सामन्याकडे संपूर्ण जगाचे लक्ष लागले आहे.
कॅनडातील वणव्यांमुळे निर्माण झालेला विषारी धूर सध्या उत्तर अमेरिकेच्या अनेक भागांत पसरला आहे. या गंभीर हवामान परिस्थितीतही, स्पेनचा फुटबॉल संघ ...
टीम विन्सिचची घोषणा
फिफाचे रेफरींग प्रमुख पियरलुइगी कोलिना यांनी विन्सिच यांच्या निवडीवर शिक्कामोर्तब केले आहे. अंतिम सामन्यात त्यांना सहाय्य करण्यासाठी टोमाझ क्लान्क्निक (सहाय्यक पंच १) आणि आंद्रेझ कोव्हासिच (सहाय्यक पंच २) हे सोबत असतील. तसेच, अधम मखादमेह चौथे अधिकारी म्हणून, तर मोहम्मद अल्कालाफ राखीव सहाय्यक पंच म्हणून काम पाहतील. कोलिना यांनी सोशल मीडियावर एक व्हिडिओ शेअर करत, विन्सिच यांच्या अनुभवावर आणि कौशल्यावर विश्वास व्यक्त केला आहे.
Kolhapur : भारत हा तसा क्रिकेटवेडा देश, पण कोल्हापूरची गोष्टच न्यारी आहे! 'सॉकर सिटी' म्हणून ओळखल्या जाणाऱ्या कोल्हापुरात सध्या फिफा विश्वचषकाचा जबरदस्त ...
कोण आहेत स्लाव्हको विन्सिच?
४६ वर्षीय विन्सिच सध्या आपल्या कारकिर्दीच्या सर्वोच्च शिखरावर आहेत. २०२२ च्या कतार विश्वचषकात पदार्पण केल्यानंतर, हा त्यांचा सहावा विश्वचषक सामना असेल. विन्सिच यांना मोठ्या सामन्यांचा दांडगा अनुभव आहे. २०२४ मध्ये वेंबली स्टेडियमवर पार पडलेल्या रियल माद्रिद विरुद्ध बोरुसिया डॉर्टमंड या युएफा चॅम्पियन्स लीगच्या अंतिम सामन्यात त्यांनी पंचांची भूमिका पार पाडली होती. याशिवाय, २०२२ ची युएफा युरोपा लीग फायनल (आइंट्राक्ट फ्रांकफुर्ट विरुद्ध रेंजर्स) देखील त्यांनी हाताळली आहे.
लिओनेल मेस्सीने अर्जेंटिनाच्या विश्वचषक प्रवासावर टीका करणाऱ्यांना खडे बोल सुनावले आहेत. "आम्हाला काहीही फुकट किंवा आयते मिळालेले नाही," असे स्पष्ट ...
अर्जेंटिनाशी असलेला इतिहास
विन्सिच आणि अर्जेंटिना संघाचा इतिहास काहीसा संघर्षाचा राहिला आहे. २०२२ च्या कतार विश्वचषकात अर्जेंटिनाचा सौदी अरेबियाकडून १-२ ने झालेला धक्कादायक पराभव विन्सिच यांच्याच देखरेखीखाली झाला होता. या सामन्यानंतर अर्जेंटिनाची ३६ सामन्यांची अपराजित मालिका खंडित झाली होती. तथापि, त्याच सामन्यात विन्सिच यांनी अर्जेंटिनाला पेनल्टी बहाल केली होती, ज्यावर लिओनेल मेस्सीने गोल केला होता.
मुंबई : टी-२० क्रिकेटच्या इतिहासात असा सामना पाहायला मिळाला, ज्याने या फॉरमॅटमधील (Format) जवळपास सगळे मोठे विक्रम (Records) मोडीत काढले. मेजर क्रिकेट लीग (Major Cricket League ...
वादाच्या भोवऱ्यात नियुक्ती
फिफा विश्वचषक २०२६ मध्ये अर्जेंटिनाच्या बाजूने ‘पक्षपातीपणा’ होत असल्याच्या चर्चांना सध्या उधाण आले आहे. अशा परिस्थितीत, या अंतिम सामन्यातील पंचांच्या निर्णयांवर फुटबॉल चाहत्यांचे आणि तज्ज्ञांचे बारीक लक्ष असणार आहे. मेक्सिकोविरुद्धच्या सामन्यात इक्वेडोरच्या खेळाडूला थेट रेड कार्ड दिल्याने विन्सिच यांच्या निर्णयांवरून यापूर्वीही चर्चा झाली होती. आता या अंतिम सामन्यात ते कशाप्रकारे सामन्याचे नियंत्रण करतात, हे पाहणे महत्त्वाचे ठरेल.
