नवी दिल्ली : किरकोळ महागाईनंतर आता घाऊक महागाई दरातही वाढ नोंदवली गेली आहे. अन्न व बिगर-अन्न वस्तूंच्या किमतींमध्ये झालेल्या वाढीमुळे जून महिन्यात घाऊक महागाई दर वाढून 9.87 टक्क्यांवर पोहोचला आहे. मे महिन्यात हा दर 9.68 टक्के होता. ( Wholesale Inflation)
मुंबई : राज्यातील 56 लाख शेतकऱ्यांना लाभ देणारी 'पुण्यश्लोक अहिल्यादेवी होळकर शेतकरी कर्जमुक्ती योजना' लागू केल्याबद्दल मुख्यमंत्री देवेंद्र फडणवीस ...
वाणिज्य व उद्योग मंत्रालयाने मंगळवारी घाऊक किंमत निर्देशांक (डब्ल्यूपीआय) आधारित घाऊक महागाईची आकडेवारी जाहीर करताना सांगितले की, जून महिन्यातील घाऊक महागाईच्या आकडेवारीवर खनिज तेलाचा (ज्यामध्ये पेट्रोलियम उत्पादनांचाही समावेश आहे) परिणाम अन्नपदार्थ, उत्पादित मूलभूत धातू तसेच उत्पादित रसायने आणि रासायनिक उत्पादनांच्या किमतींवर दिसून आला आहे.
आकडेवारीनुसार, इंधन व वीज या श्रेणीतील घाऊक महागाई जूनमध्ये 27.41 टक्के राहिली, तर मे महिन्यात ती 30.33 टक्के होती. अन्नपदार्थांची महागाई जूनमध्ये वाढून 5.49 टक्के झाली, जी मे महिन्यात 3.60 टक्के होती. याशिवाय बिगर-अन्न वस्तूंमधील घाऊक महागाई 11.07 टक्के राहिली, तर खनिज श्रेणीतील महागाई 9.45 टक्के नोंदवली गेली. वाणिज्य मंत्रालयाने सांगितले की, उत्पादित वस्तूंच्या श्रेणीत घाऊक महागाई मे महिन्याप्रमाणेच जून महिन्यातही 7.48 टक्क्यांवर स्थिर राहिली. डब्ल्यूपीआयची गणना करण्यासाठी आधार वर्ष 2022-23 आहे. (Wholesale Price Index)
- मंत्रिमंडळ बैठकीत निर्णय; राज्यातील शेतमाल निर्यातीला मोठी चालना मिळणार मुंबई : पालघर जिल्ह्यात विकसित होत असलेल्या 'वाढवण बंदरा'ला जोडून दापचरी ...
विशेष म्हणजे, ग्राहक किंमत निर्देशांकावर (सीपीआय) आधारित किरकोळ महागाई दर जूनमध्ये वाढून 17 महिन्यांच्या उच्चांकावर म्हणजेच 4.38 टक्क्यांवर पोहोचला आहे, तर यापूर्वीच्या महिन्यात तो 3.93 टक्के होता. भारतीय रिझर्व्ह बँकेने (आरबीआय) चालू आर्थिक वर्षासाठी महागाई दराचा आपला अंदाज मागील महिन्यात 4.6 टक्क्यांवरून वाढवून 5.1 टक्के केला होता.
