नवी दिल्ली : आंध्र प्रदेशमध्ये कोरोनाची लागण झाल्याने दोन रूग्णांचा मृत्यू झाला आहे. २०२२ नंतर पहिल्यांदाच आंध्र प्रदेशात कोरोनाने मृत्यू झाल्याचे आढळून आले आहे. इतर आठ जणांना कोरोनाची लागण झाली असून त्यांना उपचारांसाठी रूग्णालयात दाखल करण्यात आले. कोरोनाची ही प्रकरणे तुरळक स्वरूपातील असून कोरोनाचा उद्रेक झाल्याचे समजू नये, असे आरोग्य विभागातील अधिकाऱ्यांनी स्पष्ट केले आहे. तिरूपती येथील श्री व्यंकटेश्वरा इन्स्टिट्यूट ऑफ मेडिकल सायन्समध्ये एका ६० वर्षीय व्यक्तीला उपचारांसाठी दाखल करण्यात आले होते. त्यानंतर शेजारील राज्य तमिळनाडूतील वेल्लोर येथे त्याला शिफ्ट करण्यात आले. उपचार सुरू असताना २८ जून रोजी या व्यक्तीचा कोरोनाने मृत्यू झाल्याचे निदान झाले. ही व्यक्ती मधूमेह तसेच मूत्रपिंडाशी संबंधित व इतर काही आजारांनी ग्रासलेली होती. शवविच्छेदन व आरटी-पीसीआर टेस्टमधून कोरोनाचे (Covid19) निदान झाले.
नवी मुंबई विमानतळ : अदानी एअरपोर्ट होल्डिंग्ज लिमिटेड (AAHL) संचलित नवी मुंबई आंतरराष्ट्रीय विमानतळावरून (NHIA) नियोजित आंतरराष्ट्रीय विमानसेवेला प्रारंभ ...
आंध्र प्रदेशातील कडपा शहरात एका ४६ वर्षीय व्यक्तीला सरकारी रूग्णालयात उपचारांसाठी दाखल करण्यात आले होते. ७ जुलै रोजी या रूग्णाचाही मृत्यू झाला. या रूग्णाला श्वास घेण्यात अडचण येत होते. सततच्या कफमुळे त्यांची फुफ्फुसांचे नुकसान झाले होते. त्यांना न्युमोनिया झाला होता. फुफ्फुसांचे नुकसान आणि कोरोना (कोविड – १९) झाल्याचे निदान छातीचा सीटी स्कॅन काढल्यानंतर झाले होते. कोरोनाने लागोपाठ दोन मृत्यू झाल्यानंतर आंध्र प्रदेशची आरोग्य यंत्रणा सतर्क झाली आहे. ‘कोरोनाचे पाच रूग्ण कडपा शहरात आढळले आहेत, तर इतर तीन रूग्ण हे त्यांच्या संपर्कात होते. आम्ही परिस्थितीवर लक्ष ठेवून आहोत. घाबरून जाण्याची गरज नाही. ही प्रकरणे तुरळक स्वरूपातील (स्पोरॅडिक केसेस) आहेत’, असे आंध्र प्रदेशचे आरोग्य सचिव एस. सुरेश कुमार यांनी सांगितले.
नवी दिल्ली : सर्वोच्च न्यायालयाने प्रसिद्ध स्टँड-अप कॉमेडियन समय रैना यांना त्यांच्या 'इंडियाज गॉट लेटंट'(India's Got Latent) या शोशी संबंधित एका जुन्या ...
आंध्र प्रदेश सरकारने कोरोना रूग्णांच्या व दोन मृतांच्या नाक व घशातील स्रावाचे नमुने पुण्यातील नॅशनल इन्स्टिट्यूट ऑफ व्हायरोलॉजीत पाठवले आहे. जिनोम सिक्वेन्सिंगसाठी हे नमुने पाठवण्यात आले. ‘चाचणीचा अहवाल काय येतो याची वाट पाहणे सुरू आहे. पुढील काही दिवसांत चाचण्यांचे अहवाल हाती येतील अशी आशा आहे’, असे कुमार म्हणाले. दरम्यान, पाच तज्ज्ञांची एक समिती स्थापन करण्यात आली असून ती समिती हा कोरोनाचा नवा व्हेरिएंट आहे का? याचा अभ्यास करतील, असेही आंध्र प्रदेशचे आरोग्य सचिव कुमार यांनी सांगितले.
