Gold Rate Today : आठवड्याच्या पहिल्याच दिवशी सोने आणि चांदीच्या दरात झालेल्या वाढीमुळे ग्राहकांना मोठा आर्थिक फटका बसला होता. मात्र, दुसऱ्याच दिवशी म्हणजे मंगळवारी सुवर्ण बाजारपेठ उघडताच सोने-चांदीच्या दरात मोठी घसरण झाल्याने ग्राहकांना मोठा दिलासा मिळाला. दरम्यान आज बुधवारी देखील सोन्याचे भाव कोसळल्याने ग्राहकांमध्ये आनंदाचे वातावरण आहे. आंतरराष्ट्रीय बाजारातील घडामोडींचा थेट परिणाम देशांतर्गत बाजारावर दिसून आला असून, सोन्याने जवळपास दोन आठवड्यांतील नीचांकी पातळी गाठल्याने गुंतवणूकदारांचे लक्ष पुन्हा एकदा मौल्यवान धातूंच्या बाजाराकडे वळले आहे.
Nashik Simhastha Kumbh Mela : आगामी सिंहस्थ कुंभमेळ्याच्या पार्श्वभूमीवर विकासकामे आणि भाविक तसेच स्थानिक यांची सुरक्षा यादृष्टीने प्रशासनकडून पाऊले उचलली जात आहे. ...
सोन्याचे आजचे दर
आठवड्याच्या पहिल्या दिवशी सोमवारी बाजारात तेजीचे व तावरण निर्माण झाल्याने सोन्याच्या दरात १ हजार ७५१ रुपयांची वाढ झाली आणि सोने प्रति १० ग्रॅम १ लाख ५१ हजार ९२५ रुपयांपर्यंत पोहोचले. मात्र, ही तेजी केवळ एक दिवसच टिकली. मंगळवारी सकाळी बाजारपेठ सुरू होताच सोन्याच्या दरात पुन्हा १ हजार ७५१ रुपयांची घसरण झाली. त्यामुळे २४ कॅरेट सोन्याचे दर पुन्हा जीएसटीसह प्रति १० ग्रॅम १ लाख ५० हजार १७४ रुपयांवर आले. तर आज बुधवारी सकाळी बाजारपेठ उघडल्यावर पुन्हा घट नोंदवली गेली. त्यामुळे सोने जीएसटीसह प्रति १० ग्रॅम १,४७,८०५ रुपयांपर्यंत खाली आले. दोन दिवसांतच सोन्याच्या दरात तब्बल ४१२० रुपयांची घसरण झाल्याची नोंद घेतली गेली.
- मालाड मालवणीत ३४० तर शहरांत परळ भागांत ३३४ मिमी पाऊस मुंबई (विशेष प्रतिनिधी ) मुंबई शहर आणि उपनगरांमध्ये गेल्या काही तासांपासून मुसळधार पाऊस सुरू ...
चांदीचे आजचे दर
जळगाव शहरातील सुवर्ण बाजारपेठेत सोमवारी ५१५० रुपयांची वाढ झाल्याने चांदी जीएसटीसह प्रति किलो २,४९,२६० रुपयांपर्यंत पोहचली होती. तर मंगळवारी तब्बल ११,३३० रुपयांची घट नोंदविण्यात आल्याने चांदी जीएसटीसह प्रति किलो २,३७,९३० रुपयांपर्यंत घसरली. बुधवारी सकाळी बाजारपेठ उघडल्यावर आणखी ४१२० रुपयांची घट झाल्याने चांदी जीएसटीसह प्रति किलो २,३३,८१० रुपयांपर्यंत खाली आली. दोन दिवसांतच चांदीच्या दरात तब्बल १५,४५० रुपयांनी घसरण झाल्याची नोंद घेतली गेली.
पुणे: पुण्यातील केतन अग्रवाल हत्याकांडाचा तपास जसा पुढे सरकत आहे, तसे नवनवीन धक्कादायक खुलासे समोर येत आहेत. केतनला लोहगड किल्ल्यावरून ढकलून त्याची ...
खरेदीदारांसाठी समाधानाचे वातावरण
दरम्यान, सराफा बाजारात बुधवारी सकाळी मोठी घसरण नोंदवली गेल्याने सोने आणि चांदी खरेदी करणाऱ्यांसाठी दिलासादायक वातावरण निर्माण झाले. सोने आणि चांदीच्या किमतींमधील या घसरणीमुळे दागिने खरेदीदार, गुंतवणूकदार आणि सराफा व्यावसायिकांमध्ये चर्चेला उधाण आले आहे. तज्ज्ञांच्या मते, आंतरराष्ट्रीय बाजारात अमेरिकन डॉलरच्या वाढत्या मजबुतीचा आणि अमेरिकेच्या केंद्रीय बँकेकडून म्हणजेच फेडरल रिझर्व्हकडून व्याजदर वाढीच्या संभाव्य संकेतांचा मोठा परिणाम सोन्याच्या किमतींवर झाला आहे.
दरम्यान, किमतींमधील घसरणीमुळे जळगावसह विविध शहरांतील सराफा बाजारात ग्राहकांची चौकशी वाढल्याचे दिसून आले आहे. आगामी लग्नसराई, सणासुदीचा काळ आणि गुंतवणुकीच्या दृष्टीने अनेक ग्राहक या घसरणीकडे संधी म्हणून पाहत आहेत. मात्र तज्ज्ञांनी सावध भूमिका घेण्याचा सल्ला दिला आहे. केवळ किमती घसरल्या म्हणून मोठ्या प्रमाणात खरेदी करण्यापेक्षा जागतिक आर्थिक परिस्थिती, डॉलरची स्थिती आणि अमेरिकन फेडरल रिझर्व्हच्या पुढील निर्णयांवर लक्ष ठेवणे आवश्यक असल्याचे ते सांगतात.
