पुणे: पुण्यातील केतन अग्रवाल हत्याकांडाचा तपास जसा पुढे सरकत आहे, तसे नवनवीन धक्कादायक खुलासे समोर येत आहेत. केतनला लोहगड किल्ल्यावरून ढकलून त्याची हत्या करण्यापूर्वी, आरोपींनी ३१ मे रोजीही त्याला जीवे मारण्याचा प्रयत्न केला होता, असा खळबळजनक दावा केतनचे वडील विशाल अग्रवाल यांनी केला आहे. या घटनेचे गांभीर्य आता अधिकच वाढले असून, तपासात अनेक नवे धागेदोरे पोलिसांच्या हाती लागले आहेत.
ग्वादालहारा, मेक्सिको: डॅनियल मुनोजच्या निर्णायक गोलच्या जोरावर कोलंबियाने मंगळवारी रात्री काँगोचा १-० असा पराभव करत विश्वचषकाच्या बाद फेरीत प्रवेश ...
३१ मे ची ती भयावह घटना
केतनचे वडील विशाल अग्रवाल यांनी दिलेल्या माहितीनुसार, १८ जूनच्या घटनेपूर्वी ३१ मे रोजीही सिया गोयल हिने केतनला लोहगडावर नेऊन कड्यावरून खाली ढकलण्याचा प्रयत्न केला होता. केतन त्यावेळी कड्यावरून खाली पडला असता, मात्र त्याने प्रसंगावधान राखत एका झुडपाला घट्ट पकडून आपला जीव वाचवला होता. धक्कादायक म्हणजे, या घटनेनंतर सियाने स्वतःचा बचाव करण्यासाठी केतनला सापापासून वाचवण्यासाठी आपण त्याला ढकलले आणि नंतर मिठी मारून वाचवले, अशी खोटी कथा रचली होती.
टोरोंटो: क्रोएशियाने मंगळवारी रात्री झालेल्या अत्यंत चुरशीच्या सामन्यात पनामाचा १-० असा पराभव करत विश्वचषक बाद फेरीतील आपले आव्हान जिवंत ठेवले आहे. ...
लग्नाला विरोध आणि पूर्वनियोजित कट
पोलिसांच्या तपासातून असे समोर आले आहे की, सियाचे चेतन चौधरी नावाच्या व्यक्तीसोबत प्रेमसंबंध होते आणि तिला केतनसोबतचे लग्न मान्य नव्हते. केतन आणि सिया यांचा साखरपुडा १९ फेब्रुवारीला झाला होता आणि २५ नोव्हेंबरला राजस्थानमध्ये विवाह होणार होता. मात्र, हे लग्न मोडण्यासाठी आणि केतनचा काटा काढण्यासाठी सियाने हे षडयंत्र रचले. तिने केतनला वारंवार लोहगडावर नेण्याचा आग्रह धरला. १८ जून रोजी वाढदिवसाच्या निमित्ताने तिने पुन्हा त्याला गडावर नेले आणि तेथे चेतन चौधरीच्या मदतीने केतनला दरीत ढकलून त्याची हत्या केली.
- महापालिकेच्यावतीने सहा मजली इमारत संस्थेला भाडेतत्वावर देणार मुंबई (विशेष प्रतिनिधी) : देवनारमधील तळ अधिक सहा मजला इमारतीची जागा आता टाटा इंडियन ...
सीसीटीव्हीने उघडले चेतनचे कारस्थान
या कटात सामील असलेला चेतन चौधरी हा केतन आणि सिया पोहोचण्यापूर्वीच लोहगडावर हजर होता. भर उन्हाळ्यात आपली ओळख लपवण्यासाठी त्याने वूलनची 'हुडी' आणि हेडफोन घातले होते. उन्हात हिवाळी कपडे घालून गडावर वावरणाऱ्या चेतनच्या हालचाली सीसीटीव्हीत कैद झाल्या आणि पोलिसांचा संशय बळावला. त्याने पोलिसांना चकवा देण्यासाठी स्वतःचा मोबाइल घरी ठेवला होता, परंतु टोलनाक्यावरील सीसीटीव्ही फुटेजमुळे तो पोलिसांच्या जाळ्यात अडकला.
- यासाठी कृती आराखडा तयार करण्याचे आमदार अमित साटम यांची मागणी मुंबई (विशेष प्रतिनिधी) : शहरातील पाणीटंचाईच्या पार्श्वभूमीवर मुंबई भाजप अध्यक्ष तथा ...
पोलिसांची कठोर कारवाई
पुणे ग्रामीणचे पोलिस अधीक्षक संदीपसिंग गिल यांनी या प्रकरणाची माहिती देताना सांगितले की, आरोपींनी अत्यंत नियोजनबद्ध पद्धतीने हा गुन्हा केला आहे. केतनची आई आणि इतर नातेवाइकांच्या विरोधानंतरही सियाने केतनला गडावर जाण्यासाठी प्रवृत्त केले होते. सध्या या प्रकरणाचा सखोल तपास सुरू असून, आरोपींनी यापूर्वी रचलेल्या इतर कट-कारस्थानांचाही पोलिस आढावा घेत आहेत.
केतनच्या निधनामुळे अग्रवाल कुटुंबावर दुःखाचा डोंगर कोसळला असून, आरोपींना कठोर शिक्षा मिळावी, अशी मागणी आता जोर धरू लागली आहे.
