संजय राऊत, सुनील राऊतला मोठा धक्का
जात प्रमाणपत्र समितीने जात प्रमाणपत्र अवैध ठरवल्याने महापालिका सदस्यत्व केले रद्द
भाजपच्या सारीका पवार यांचा परतीचा मार्ग झाला खुला
मुंबई : सहा खासदार फोडून मिशन टायगर यशस्वी केल्याने उबाठाला बसलेल्या धक्क्यात आणखी एक धक्का बसला आहे. उबाठाचे विक्रोळी विधानसभेतील प्रभाग १११मधील नगरसेवक दिपक सावंत यांचे महापालिका सदस्यत्व रद्द करण्यात आले. जात वैधता प्रमाणपत्र अवैध ठरल्याने त्यांचे महापालिका सदस्यत्व रद्द करण्याबाबतची घोषणा महापालिका सभागृहात महापौर रितू तावडे यांनी केली. त्यामुळे उबाठाचा एक नगरसेवक कमी झाला असून उबाठाचे संख्या बळ आता ६४ एवढे झाले आहे. दिपक सावंत हे खासदार संजय राऊत आणि आमदार सुनील राऊत यांचे खद्दे समर्थक नगरसेवक होते. त्यामुळे एकप्रकारे राऊतांना हा मोठा धक्का मानला जात आहे.
नागपूर: विदर्भातील दळणवळण व्यवस्था अधिक सक्षम आणि वेगवान करण्यासाठी केंद्र आणि राज्य सरकारने कंबर कसली आहे. केंद्रीय रस्ते व वाहतूक मंत्री नितीन ...
मुंबई महापालिकेच्या सन २०२५च्या सार्वत्रिक निवडणुकीमध्ये ओबीसी प्रवर्गातून उबाठाच्या वतीने दिपक सावंत तर भाजपच्यावतीने सारीका पवार यांच्यामध्ये प्रमुख लढत झाली होती. या निवडणुकीत सुमारे चार हजारांहून अधिक मताधिक्याने मनसेच्या पाठबळावर दिपक सावंत हे विजयी झाले होते. परंतु सावंत हे इतर मागास वर्गीय प्रवर्गातून निवडणूक लढल्याने त्यांनी ओबीसीच्या मिळवलेल्या प्रमाणपत्राविरोधात दुसऱ्या क्रमांकावरील उमेदवार व माजी नगरसेविका सारीका पवार यांनी आक्षेप घेत त्याबाबत तक्रारी नोंदवली होती. याबाबतची सुनावणी जात प्रमाणपत्र पडताळणी समितीपुढे झाली असता त्यांचे प्रमाणपत्र वैध नसल्याचा निर्णय मागील साेमवारी देण्यात आला होता. याबाबतचा निर्णय महापालिकेच्या विधी विभागाने पडताळणी करून महापालिकेच्या सभेपुढे प्रशासनाच्यावतीने सादर केला.
विदर्भाला गॅसिफिकेशन हब बनविणार– मुख्यमंत्री देवेंद्र फडणवीस मुंबई : कोळसा वायूकरण (कोल गॅसिफिकेशन) विकसित भारताच्या उभारणीत महत्त्वाची भूमिका ...
सहायक निवडणूक व नगर शुल्क अधिकार यांनी १८ जून २०२६ रोजी महापालिका सचिवांना कळवलेल्या पत्रांत असे म्हटले आहे की, दिपक राजाराम सावंत, प्रभाग क्रमांक १११ यांनी सादर केलेले दिनांक २७ डिसेंबर २०२५ चे जात प्रमाणपत्र , जिल्हा जात प्रमाणपत्र पडताळणी समिती, रत्नागिरी यांनी १५ जून २०२६ रोजी अवैध ठरवले. त्यामुळे सन २०२६-२७ नुसार अद्यायावत सुधारीत मुंबई महापालिका अधिनियम १८८८ च्या कलम १६ (१क) (अ) अन्वये दिपक सावंत, प्रभाग १११ मधील नगरसेवक दिनांक १५ जून २०२६ पासून आपोआप रद्द होत असल्याची घोषणा महापौर रितू तावडे यांनी महापालिका सभागृहात केली आहे.
या प्रभाग १११ मधून सावंत यांचे महापालिका सदस्यत्व रद्द करण्यात आल्याने दुसऱ्या क्रमांकावरील उमेदवार भाजपच्या सारीका पवार यांची लघुवाद न्यायालयात याबाबत याचिका दाखल केली आहे. याबाबतचा निकाल आल्यानंतर महापालिका सभागृहात त्या निर्णयाच्या आधारे घोषणा केली जाण्याची शक्यता आहे.
