नवी दिल्ली (हिं.स) : महाराष्ट्र विधान परिषदेच्या निवडणुकीत (MLC Election) विजय संपादित केल्याबद्दल केंद्रीय मंत्री आणि नागपूरचे खासदार नितीन गडकरी (Nitin Gadkari) यांनी भाजप उमेदवार चंद्रशेखर बावनकुळे, वसंत खंडेलवाल तसेच भाजप कार्यकर्त्यांचे अभिनंदन आणि कौतुक केले.
ट्वीटर द्वारे नितीन गडकरी म्हणाले की, “महाराष्ट्र विधान परिषदेच्या नागपूर प्राधिकारी मतदारसंघ निवडणुकीत बहुमताने विजयी झालेल्या चंद्रशेखर बावनकुळे यांचे व अकोला मतदारसंघातून विजयी झालेल्या वसंत खंडेलवाल यांचे खूप खूप अभिनंदन. या विधान परिषद निवडणुकीत सहापैकी एकूण चार जागांवर भाजपने विजय मिळवून पुन्हा एकदा आपली क्षमता व वर्चस्व सिद्ध केले आहे. पक्ष पदाधिकारी विजेते उमेदवार व कार्यकर्त्यांचे मनापासून अभिनंदन व पुढील वाटचालीस शुभेच्छा.”