नवी दिल्ली : दिल्ली-एनसीआरमधील वाहनचालकांना महागाईचा मोठा धक्का बसला आहे. Indraprastha Gas Limited (IGL) ने CNGच्या दरात किलोमागे ३.८९ रुपयांची वाढ जाहीर केली आहे. शनिवार, २९ ऑगस्ट २०२६ रोजी सकाळी ६ वाजल्यापासून हे नवे दर लागू झाले आहेत. या दरवाढीनंतर राजधानी दिल्लीमध्ये CNGचा दर ८३.०९ रुपयांवरून ८६.९० रुपये प्रति किलो झाला आहे. दिल्लीसोबतच नोएडा, ग्रेटर नोएडा आणि गाझियाबादमध्येही वाढीव दर लागू झाले आहेत. या निर्णयाचा थेट परिणाम ऑटो, कॅब तसेच खासगी वाहनचालकांच्या खर्चावर होणार आहे. (CNG Price Hike)
मुंबई : राज्यात गेल्या काही दिवसांपासून पावसाने उघडीप दिल्याचं चित्र आहे. बहुतांश भागांत अपेक्षित पाऊस न झाल्याने पावसाची तूट वाढत असून शेतकऱ्यांची ...
मे महिन्यातही झाली होती मोठी दरवाढ :
दिल्ली-एनसीआरमध्ये याआधी मे महिन्यातही CNGच्या दरात मोठी वाढ करण्यात आली होती. अवघ्या ११ दिवसांत CNGच्या दरात तब्बल ६ रुपयांची वाढ झाली होती. २६ मे रोजी २ रुपयांची वाढ झाल्यानंतर दिल्लीतील CNGचा दर ८१.०९ रुपयांवरून ८३.०९ रुपये प्रति किलो झाला होता. त्याचवेळी नोएडा, ग्रेटर नोएडा आणि गाझियाबादमध्ये CNGचा दर ८८.७० रुपये प्रति किलो झाला होता. (CNG Price Hike)
पुणे : पुणे महापालिकेच्या कनिष्ठ अभियंता भरती परीक्षेत हायटेक पद्धतीने कॉपी केल्याचा धक्कादायक प्रकार समोर आला आहे. स्पाय कॅमेरा असलेल्या ...
CNG महाग करण्यामागे IGLने काय कारण दिले?
IGLने दिलेल्या माहितीनुसार, आंतरराष्ट्रीय बाजारात Liquefied Natural Gas (LNG)च्या किमती मोठ्या प्रमाणात वाढल्या आहेत. त्यामुळे कंपनीच्या इनपुट गॅसच्या खर्चावर परिणाम झाला आहे. CNGचा पुरवठा सातत्यपूर्ण आणि विश्वासार्ह ठेवण्यासाठी वाढलेल्या गॅस खर्चाची काही प्रमाणात भरपाई करण्यासाठी ३.८९ रुपये प्रति किलो दरवाढ करणे आवश्यक असल्याचे कंपनीने स्पष्ट केले. (CNG Price Hike)
कंपनीने असेही म्हटले आहे की, दरवाढीनंतरही दिल्लीतील CNG ग्राहकांसाठी उपलब्ध असलेल्या किफायतशीर इंधन पर्यायांपैकी एक राहणार आहे. तसेच आयात केलेल्या स्पॉट LNGच्या किमतीतील चढ-उतारांचा थेट परिणाम CNG ग्राहकांवर मोठ्या प्रमाणात होऊ नये, याची काळजी घेतली जात असल्याचे कंपनीने सांगितले. (CNG Price Hike)