मुंबई : राज्यात गेल्या काही दिवसांपासून पावसाने उघडीप दिल्याचं चित्र आहे. बहुतांश भागांत अपेक्षित पाऊस न झाल्याने पावसाची तूट वाढत असून शेतकऱ्यांची चिंता कायम आहे. काही भागांत हलक्या ते मध्यम सरींचा अंदाज असला, तरी राज्यात सध्या व्यापक स्वरूपाच्या मुसळधार पावसाची शक्यता कमी आहे. दरम्यान, २९ ऑगस्ट रोजी राज्यातील तीन जिल्ह्यांना पावसाचा यलो अलर्ट देण्यात आला आहे. (Maharashtra Weather Alert)
कोकणात पावसाची विश्रांती :
पुणे : पुणे महापालिकेच्या कनिष्ठ अभियंता भरती परीक्षेत हायटेक पद्धतीने कॉपी केल्याचा धक्कादायक प्रकार समोर आला आहे. स्पाय कॅमेरा असलेल्या ...
उत्तर महाराष्ट्रातही पावसाचा जोर कमी :
धुळे, नंदुरबार, जळगाव आणि नाशिक जिल्ह्यांत पुढील काही दिवस हवामानात मोठा बदल अपेक्षित नाही. काही ठिकाणी हलक्या सरी पडण्याची शक्यता आहे. मात्र, या जिल्ह्यांसाठी सध्या कोणताही विशेष अलर्ट देण्यात आलेला नाही. (Maharashtra Weather Alert)
पश्चिम महाराष्ट्रात उष्ण आणि दमट वातावरण :
पश्चिम महाराष्ट्रातील बहुतांश जिल्ह्यांमध्येही पावसाची उघडीप कायम आहे. घाटमाथ्याच्या परिसरासह काही भागांत दमट आणि उष्ण वातावरण जाणवत आहे. काही ठिकाणी अंशतः ढगाळ वातावरण राहण्याची शक्यता असून पुढील काही दिवस तापमानात विशेष घट अपेक्षित नाही. (Maharashtra Weather Alert)
मराठवाड्यात हलका ते मध्यम पाऊस :
छत्रपती संभाजीनगर, जालना आणि परभणी जिल्ह्यांतील काही भागांत हलका ते मध्यम पाऊस तसेच वादळी पावसाची शक्यता आहे. मात्र, अपेक्षित प्रमाणात पाऊस न झाल्याने या भागातही पावसाची तूट निर्माण झाली आहे. त्यामुळे शेतकऱ्यांमध्ये चिंतेचे वातावरण आहे. (Maharashtra Weather Alert)
नाशिकमध्ये तीन दिवसीय महाकुंभ भक्ती संगम सोहळ्याची सुरुवात नाशिक : सिंहस्थ कुंभमेळ्याचा कालावधी लक्षात घेता विविध कामे वेगात सुरू आहेत. सर्व संबंधित ...
विदर्भातील ‘या’ जिल्ह्यांना यलो अलर्ट :
विदर्भात काही भागांत हवामानात बदल होण्याची शक्यता आहे. भंडारा, गोंदिया आणि नागपूर परिसरात काही ठिकाणी जोरदार पावसाचा अंदाज वर्तवण्यात आला आहे. या भागातील काही जिल्ह्यांसाठी पुढील दोन ते तीन दिवस यलो अलर्ट देण्यात आला असून नागरिकांनी सतर्क राहण्याचे आवाहन करण्यात आले आहे. (Maharashtra Weather Alert)
शेतकऱ्यांची पावसाची प्रतीक्षा कायम :
एकूणच, राज्यातील बहुतांश भागांत सध्या चांगल्या पावसाची प्रतीक्षा कायम आहे. काही जिल्ह्यांना यलो अलर्ट असला, तरी व्यापक स्वरूपाचा पाऊस न झाल्याने शेतकरी आणि नागरिकांची चिंता कायम आहे. हवामानातील बदल लक्षात घेता नागरिकांनी तसेच शेतकऱ्यांनी हवामान विभाग आणि कृषी विभागाच्या सूचनांचे पालन करावे. (Maharashtra Weather Alert)