- राष्ट्रवादी काँग्रेस पक्षातील अंतर्गत वाद चव्हाट्यावर; सच्चिदानंद सिंह यांच्याकडून स्मरण नोटीस
मुंबई : राष्ट्रवादी काँग्रेस पक्षाच्या राष्ट्रीय अध्यक्षा तथा उपमुख्यमंत्री सुनेत्रा पवार यांच्या अध्यक्षपदाच्या निवडीवरून पक्षात पुन्हा एकदा वाद उफाळून आला आहे. पक्षाचे माजी राष्ट्रीय सचिव सच्चिदानंद सिंह यांनी सुनेत्रा पवार आणि पक्षाचे ज्येष्ठ नेते प्रफुल्ल पटेल यांना पुन्हा एकदा स्मरण नोटीस (रिमायंडर नोटीस) पाठवली आहे. यापूर्वी जुलै महिन्यात पाठवलेल्या नोटीशीनंतर आता १७ ऑगस्ट रोजी ही दुसरी नोटीस पाठवण्यात आली आहे. ( Sunetra Pawar News)
- 'सिल्वर ओक' निवासस्थानी तब्बल तीन तास बंद दाराआड चर्चा; राजकीय वर्तुळात चर्चांना उधाण मुंबई : आगामी केंद्रीय मंत्रिमंडळ विस्तार आणि राज्यातील राजकीय ...
राष्ट्रवादी काँग्रेस पक्षाचे राष्ट्रीय अध्यक्ष अजित पवार यांच्या निधनानंतर २६ फेब्रुवारी २०२६ रोजी मुंबईत झालेल्या पक्षाच्या अधिवेशनात सुनेत्रा पवार यांची राष्ट्रीय अध्यक्षपदी एकमताने निवड करण्यात आली होती. मात्र, या निवडीवर पक्षाचे माजी राष्ट्रीय सचिव सच्चिदानंद सिंह यांनी आक्षेप घेतला आहे. ही निवडणूक प्रक्रिया पक्षाच्या घटनेला आणि नियमांना धरून नसून ती घटनाबाह्य असल्याचा दावा त्यांनी केला आहे. (Nationalist Congress Party)
सच्चिदानंद सिंह यांनी आपल्या नोटीसमध्ये म्हटले आहे की, या निवडणुकीच्या प्रक्रियेसाठी कोणतेही कायदेशीर निवडणूक प्राधिकरण अस्तित्वात नव्हते. तसेच पक्षाच्या राष्ट्रीय प्रतिनिधींना नामांकन दाखल करणे, निवडणूक लढवणे किंवा मतदान करण्यापासून वंचित ठेवून परस्पर निवड करण्यात आली, असा आरोप त्यांनी केला आहे. यापूर्वी ९ जुलै रोजी पाठवलेल्या पत्राला पक्षाच्या कोणाकडूनही उत्तर न मिळाल्यामुळे, आता त्यांनी कायदेशीर पावलाचा भाग म्हणून ही स्मरण नोटीस बजावली आहे. या घडामोडीमुळे राष्ट्रवादी काँग्रेसमधील अंतर्गत कलह पुन्हा एकदा चव्हाट्यावर आला असून, आगामी काळात यावर पक्षातील वरिष्ठ नेते काय भूमिका घेतात याकडे सर्वांचे लक्ष लागले आहे. (Sachidanand Singh)