मुंबई : राज्यात गेल्या काही दिवसांपासून पावसाचा जोर काहीसा कमी झाल्याचे चित्र आहे. मात्र, आता पुन्हा एकदा पावसाचा जोर वाढण्याचा अंदाज हवामान विभागाने व्यक्त केला आहे. राज्यातील काही जिल्ह्यांमध्ये मुसळधार ते अतिमुसळधार पाऊस पडण्याची शक्यता असून, नागरिकांनी सतर्क राहण्याचे आवाहन करण्यात आले आहे.
हवामान विभागाच्या अंदाजानुसार, राज्यातील रत्नागिरी, सातारा, पुणे, भंडारा, गडचिरोली आणि गोंदिया या सहा जिल्ह्यांना यलो अलर्ट देण्यात आला आहे. या भागांमध्ये काही ठिकाणी जोरदार पावसाच्या सरी कोसळण्याची शक्यता आहे. विशेषतः पुणे आणि सातारा जिल्ह्यांच्या घाटमाथ्यावर मुसळधार पाऊस पडण्याचा अंदाज आहे.
कोकणातील रत्नागिरी जिल्ह्यातही पावसाचा जोर वाढण्याची शक्यता असून, नागरिकांनी नदी, नाले आणि धबधब्यांच्या परिसरात जाताना विशेष काळजी घेण्याची गरज आहे. ग्रामीण भागात जोरदार पावसामुळे स्थानिक पातळीवर रस्ते आणि वाहतुकीवर परिणाम होण्याची शक्यता आहे.
Pune Weather : पुण्यात रविवारी पावसाच्या सरींची शक्यता; घाटमाथ्यावर यलो अलर्ट
पुणे : रविवार, 16 ऑगस्ट रोजी पुणे शहर आणि परिसरात ढगाळ वातावरणासह हलक्या ते मध्यम पावसाच्या सरी पडण्याची शक्यता आहे. त्यामुळे आजचा दिवस पुणेकरांसाठी ...
विदर्भातील भंडारा, गडचिरोली आणि गोंदिया जिल्ह्यांमध्येही पावसाच्या जोरदार सरींचा अंदाज व्यक्त करण्यात आला आहे. काही ठिकाणी पावसाचे प्रमाण वाढल्यास सखल भागात पाणी साचण्याची शक्यता आहे.
दरम्यान, राज्यातील अनेक भागांमध्ये सध्या पावसाचे प्रमाण कमी-जास्त होताना दिसत आहे. त्यामुळे नागरिकांनी हवामान विभागाच्या ताज्या सूचनांकडे लक्ष द्यावे. मुसळधार पावसाच्या काळात नदीपात्र, ओढे, धबधबे आणि घाट परिसरात अनावश्यक प्रवास टाळावा, तसेच वाहनचालकांनी खबरदारी घ्यावी, असे आवाहन करण्यात आले आहे.
