- सुप्रिया सुळे यांचे संकेत; सलग दोन दिवस बैठकांचे सत्र
मुंबई : राष्ट्रवादी काँग्रेस (शरदचंद्र पवार) पक्षात राज्य पातळीवर लवकरच मोठे फेरबदल होणार असून, येत्या दोन दिवसांत पक्षाच्या नवीन प्रवक्त्यांची यादी जाहीर केली जाणार असल्याची माहिती खासदार सुप्रिया सुळे (Supriya Sule) यांनी शनिवारी दिली. पक्षातील राज्य पातळीवरील प्रवक्त्यांच्या नियुक्त्या रद्द करण्यात आल्यानंतर उठलेल्या चर्चांच्या पार्श्वभूमीवर त्या बोलत होत्या. मुंबईत माध्यमांशी संवाद साधताना त्यांनी स्पष्ट केले की, नव्या नियुक्त्यांबाबत अंतिम निर्णय घेण्यासाठी प्रदेशाध्यक्ष शशिकांत शिंदे यांच्या नेतृत्वाखाली सलग दोन दिवस बैठकांचे सत्र पार पडत आहे. (NCP Sharad Pawar)
मुंबई: मध्य रेल्वेचे महाव्यवस्थापक श्री. राजीव श्रीवास्तव यांच्या हस्ते १५ ऑगस्ट २०२६ रोजी छत्रपती शिवाजी महाराज टर्मिनस (CSMT) येथील मध्य रेल्वे ...
सुप्रिया सुळे (Supriya Sule) म्हणाल्या, सध्या पक्षात राज्य पातळीवर दोनच प्रवक्ते कार्यरत आहेत, तर राष्ट्रीय प्रवक्ते अद्याप कायम आहेत. प्रदेशाध्यक्ष शशिकांत शिंदे यांच्या अध्यक्षतेखाली होणाऱ्या बैठकीत राज्यातील प्रवक्त्यांची नवीन यादी निश्चित केली जाईल आणि पुढील दोन दिवसांत ती प्रसिद्ध केली जाईल. या फेरबदलांमधून पक्षाच्या संवाद यंत्रणेला नवी गती मिळेल, असा विश्वास त्यांनी व्यक्त केला. (NCP Sharad Pawar)
मुंबई : बँकिंग क्षेत्रात नोकरीच्या तयारीत असलेल्या उमेदवारांसाठी महत्त्वाची बातमी आहे. इन्स्टिट्यूट ऑफ बँकिंग पर्सोनेल सिलेक्शन (IBPS) कडून Probationary Officer/Management ...
महिला आरक्षण विधेयकावर भाष्य करताना त्यांनी स्पष्ट केले की, महिला आरक्षणाच्या मुद्द्यावर सर्व राजकीय पक्ष एकाच मताचे आहेत. २०२३ मध्ये हे विधेयक सर्वपक्षीय संमतीने मंजूर झाले असून, त्याची लवकरात लवकर अंमलबजावणी व्हावी हीच सर्व पक्षांची इच्छा आहे. दरम्यान, स्पर्धा परीक्षा देणाऱ्या विद्यार्थ्यांसाठी मोफत ऑनलाइन कोचिंग सुविधा उपलब्ध करून देण्याच्या पंतप्रधान नरेंद्र मोदींच्या घोषणेचे सुप्रिया सुळे यांनी स्वागत केले. खासगी कोचिंग क्लासेसवर कोणतेही नियंत्रण नव्हते आणि त्यांच्याबाबत सातत्याने तक्रारी येत होत्या. त्यामुळे या क्षेत्रावर नियंत्रण आणणे अत्यंत आवश्यक होते. या निर्णयामुळे सकारात्मक बदल घडतील आणि भविष्यात स्पर्धा परीक्षांचे किंवा 'नीट'चे पेपर फुटणार नाहीत, अशी अपेक्षाही त्यांनी व्यक्त केली. (NCP Sharad Pawar)
