राष्ट्रीय हातमाग दिनाच्या निमित्ताने पंतप्रधान नरेंद्र मोदी (PM Narendra Modi) यांनी देशातील तरुणांना हातमाग उत्पादनांचा प्रचार करण्यासाठी सोशल मीडियाचा वापर करण्याचे आवाहन केले आहे. 'Get Ready With Me' (GRWM) या लोकप्रिय सोशल मीडिया ट्रेंडमध्ये हातमागावरील कपडे परिधान करून व्हिडिओ तयार करा आणि तो सोशल मीडियावर शेअर करा, असे त्यांनी म्हटले आहे. यामुळे भारतीय हातमाग परंपरेला जागतिक स्तरावर ओळख मिळेल आणि विणकर कुटुंबांनाही आर्थिक आधार मिळेल, असा विश्वास त्यांनी व्यक्त केला.
राष्ट्रीय हातमाग दिनाच्या पूर्वसंध्येला पंतप्रधान मोदी यांनी त्यांच्या अधिकृत इन्स्टाग्राम अकाउंटवर एक व्हिडिओ शेअर केला. या व्हिडिओत त्यांनी 7 ऑगस्टच्या ऐतिहासिक महत्त्वाची आठवण करून देत नागरिकांना हातमाग उत्पादने वापरण्याचे आवाहन केले. (Handloom Products)
मुंबई : शिवसेना पक्षाच्या मालकीबाबत सर्वोच्च न्यायालयात सुनावणी सुरू असतानाच उपमुख्यमंत्री एकनाथ शिंदे (Eknath Shinde) यांनी विरोधकांवर जोरदार हल्लाबोल ...
पंतप्रधान मोदी म्हणाले की, 7 ऑगस्ट 1905 रोजी स्वदेशी चळवळीची सुरुवात झाली होती. ब्रिटिश वस्तूंना पर्याय म्हणून स्वदेशी उत्पादनांचा स्वीकार करण्याचा संदेश त्या चळवळीने दिला. त्याच भावनेने आजही भारतीय उत्पादनांना प्रोत्साहन देण्याची गरज असल्याचे त्यांनी नमूद केले. (National Handloom Day)
View this post on Instagram
ते पुढे म्हणाले की, राष्ट्रीय हातमाग दिन हा केवळ एक औपचारिक दिवस नसून देशातील विणकरांच्या मेहनतीचा सन्मान करण्याची संधी आहे. भारतातील हातमाग उद्योगात विविधता, पारंपरिक कौशल्य आणि उत्कृष्ट कलाकुसर पाहायला मिळते. या कलेला प्रोत्साहन देणे ही प्रत्येकाची जबाबदारी असल्याचे त्यांनी सांगितले. (Social Media)
GRWM ट्रेंडचा वापर करून...
सोशल मीडियावर लोकप्रिय असलेल्या 'Get Ready With Me' (GRWM) ट्रेंडचा उल्लेख करत त्यांनी तरुणांना हातमागावरील कपडे घालून व्हिडिओ तयार करण्याचे आवाहन केले. अशा व्हिडिओमुळे अधिकाधिक लोक हातमाग उत्पादने वापरण्यास प्रेरित होतील आणि देशातील कारागिरांना त्याचा फायदा होईल, असे त्यांनी म्हटले. (Handloom)
आत्मनिर्भर भारत मोहिमेला बळ देण्यासाठी
याशिवाय, प्रत्येकाने किमान एक हातमाग उत्पादन खरेदी करून त्याचा अनुभव सोशल मीडियावर शेअर करावा, असेही त्यांनी सुचवले. या उपक्रमामुळे 'आत्मनिर्भर भारत' मोहिमेला बळ मिळण्याबरोबरच विणकर कुटुंबांच्या उत्पन्नात वाढ होण्यास मदत होईल, असा विश्वास त्यांनी व्यक्त केला. (PM Modi)
