पुणे : मोशी येथील कचरा डेपोमध्ये ८ जुलै रोजी झालेल्या दुर्घटनेत (Moshi Garbage Depot Accident) मृत्यू झालेल्या नऊ नागरिकांच्या कायदेशीर वारसांना प्रत्येकी १० लाख रुपयांची आर्थिक मदत देण्याची प्रक्रिया पिंपरी-चिंचवड महापालिकेने युद्धपातळीवर सुरू केली आहे. आवश्यक कागदपत्रांची पूर्तता झालेल्या लाभार्थ्यांच्या खात्यात मदतीची रक्कम थेट जमा करण्यात येत असल्याची माहिती आयुक्त डॉ. विजय सूर्यवंशी यांनी दिली.
महापौर रवि लांडगे यांच्या निर्देशानुसार प्रशासनाने तातडीने कार्यवाही सुरू केली असून, मृत सन्नी माने, राहुल गायकवाड, वामन कसबे आणि यापूर्वी अक्षय सावंत यांच्या वारसांच्या खात्यात प्रत्येकी १० लाख रुपयांची आर्थिक मदत जमा करण्यात आली आहे. (Moshi Garbage Depot Accident)
मध्यस्थ कमी होऊन सेवा अधिक पारदर्शक होणार https://prahaar.in/2026/07/23/pmfby-revised-pradhan-mantri-fasal-bima-yojana-implemented-in-maharashtra-for-2026-27-appeal-made-apply-by-july-31/ मुंबई : महाराष्ट्र शासन आणि केंद्रीय सहकार मंत्रालय ...
सन्नी माने यांच्या पत्नी मनीषा माने आणि आई फौजिया अझीम माने यांच्या खात्यात प्रत्येकी ५ लाख रुपये जमा करण्यात आले. राहुल गायकवाड यांच्या पत्नी भाग्यश्री गायकवाड यांच्या खात्यात ५ लाख रुपये, तर आई सरस्वती गायकवाड आणि वडील अर्जुन गायकवाड यांच्या खात्यात प्रत्येकी २.५० लाख रुपये जमा करण्यात आले आहेत. वामन कसबे यांच्या पत्नी सुमन कसबे यांच्या खात्यात संपूर्ण १० लाख रुपयांची मदत जमा करण्यात आली आहे. (Moshi Garbage Depot Accident)
यापूर्वी अक्षय सावंत यांच्या कुटुंबीयांच्या आवश्यक कागदपत्रांची पूर्तता झाल्यानंतर त्यांच्या वारसांच्या खात्यातही १० लाख रुपयांची मदत जमा करण्यात आली होती.
- मंत्री आशिष शेलार यांचे निर्देश; वैज्ञानिक पद्धतीने बेवारस वाहनांची विल्हेवाट लावणार मुंबई : मुंबईतील वाढती वाहतूक कोंडी कमी करणे, रस्त्यांवर धूळ ...
दरम्यान, दुर्घटनेतील इतर मृत भावेश वाणी, सुनील कोरके, महेश कुंभार, नागेश गायकवाड आणि रणजीत पाटील यांच्या कायदेशीर वारसांच्या कागदपत्रांची पडताळणी आणि प्रशासकीय प्रक्रिया अंतिम टप्प्यात आहे. प्रक्रिया पूर्ण होताच त्यांच्या खात्यातही नियमानुसार प्रत्येकी १० लाख रुपयांची आर्थिक मदत थेट जमा करण्यात येणार असल्याचे आयुक्त डॉ. विजय सूर्यवंशी यांनी स्पष्ट केले. (Moshi Garbage Depot Accident)
