पुणे: पुण्यातील कात्रज तलाव परिसरात सोमवारी रात्री एका 17 वर्षीय मुलाची निर्घृण हत्या (Murder) झाल्याची धक्कादायक घटना समोर आली आहे. भररस्त्यात अवघ्या 30 सेकंदांत 7 अल्पवयीन मुलांनी मिळून या तरुणावर कोयत्याने वार केल्याने त्याचा मृत्यू झाला. या घटनेमुळे परिसरात भीतीचे वातावरण निर्माण झाले असून भारती विद्यापीठ पोलिसांनी तातडीने कारवाई करत 4 अल्पवयीन आरोपींना ताब्यात घेतले आहे. उर्वरित आरोपींचा शोध सुरू आहे.
Nashik News : नाशिकमधून एक मोठी बातमी समोर आली आहे. नाशिक शहर बँक असोसिएशन (‘न्युबा’) अंतर्गत जिल्ह्यातील २७ बँकांच्या संचालकांसाठी आयोजित करण्यात येणाऱ्या ...
पोलिसांनी दिलेल्या माहितीनुसार, मृत मुलगा आपल्या मित्रासोबत कात्रज तलावाजवळील एका हॉटेलसमोर उभा होता. त्याचवेळी दोन दुचाकींवरून आलेल्या 7 जणांच्या टोळीने त्याला घेरले. आरोपींनी कोणतीही चर्चा न करता त्याच्यावर धारदार कोयत्याने सलग वार केले. डोके, चेहरा आणि छातीवर गंभीर जखमा झाल्याने तो रक्ताच्या थारोळ्यात पडला. स्थानिकांनी त्याला तातडीने खासगी रुग्णालयात दाखल केले, मात्र डॉक्टरांनी उपचारापूर्वीच त्याला मृत घोषित केले.
प्राथमिक तपासात मृत मुलाविरुद्ध यापूर्वी खुनाच्या प्रयत्नासह 6 गुन्हे दाखल असल्याची माहिती समोर आली आहे. काही महिन्यांपूर्वी त्याचा एका अल्पवयीन आरोपीच्या कुटुंबाशी वाद झाला होता. त्यानंतर त्याला जीवे मारण्याची धमकी देण्यात आल्याचेही पोलिसांच्या तपासात समोर आले आहे. या पार्श्वभूमीवर ही हत्या आधीच नियोजन करून करण्यात आल्याचा संशय व्यक्त केला जात आहे.
Nashik : खाकीला काळीमा लावण्याचे काम नाशिकमधील दोन पोलिसांकडून करण्यात आले आहे. नाशिक शहरातील उपनगर पोलीस ठाण्यात गंभीर प्रकार उघडकीस आला आहे. आत्महत्येस ...
घटनेनंतर भारती विद्यापीठ पोलीस ठाण्याबाहेर तणावाचे वातावरण निर्माण झाले. एका आरोपीला पोलिसांनी ताब्यात आणत असताना मृत मुलाच्या आईने संतापाच्या भरात त्याच्यावर धाव घेत चपलेने मारण्याचा प्रयत्न केला. पोलिसांनी वेळीच हस्तक्षेप करून परिस्थिती नियंत्रणात आणली. दरम्यान, आरोपींना पोलिसांच्या वाहनावर बसवून नेल्याचा व्हिडिओ सोशल मीडियावर व्हायरल झाला आहे.
या घटनेनंतर पुण्यात अल्पवयीनांकडून वाढणाऱ्या गंभीर गुन्ह्यांचा मुद्दा पुन्हा चर्चेत आला आहे. या प्रकरणाचा पुढील तपास भारती विद्यापीठ पोलीस करत आहेत.