नवी दिल्ली : भारतीय नौदलाची सागरी ताकद आणखी वाढली आहे. स्वदेशी बनावटीची ‘आयएनएस मंगरोल’ (INS Mangrol) ही पाणबुडीविरोधी युद्धनौका भारतीय नौदलाच्या ताफ्यात अधिकृतपणे दाखल झाली आहे. किनारपट्टीजवळील उथळ समुद्रात पाणबुड्यांचा शोध घेणे, त्यांचा माग काढणे आणि संभाव्य पाण्याखालील धोके निष्प्रभ करण्यासाठी ही युद्धनौका महत्त्वाची भूमिका बजावणार आहे. (INS Mangrol)
कोचिन शिपयार्डने केली निर्मिती :
भारतीय नौदलासाठी कोचिन शिपयार्डकडून तयार करण्यात येत असलेल्या आठ Anti-Submarine Warfare Shallow Water Craft (ASW-SWC) युद्धनौकांच्या मालिकेतील ‘मंगरोल’ ही तिसरी नौका आहे. याआधी ‘माहे’ आणि ‘मालवण’ या दोन नौका नौदलाच्या ताफ्यात दाखल झाल्या आहेत. या युद्धनौकेत ८० टक्क्यांहून अधिक स्वदेशी उपकरणांचा वापर करण्यात आल्याने ‘आत्मनिर्भर भारत’ आणि संरक्षण क्षेत्रातील स्वदेशीकरणाच्या दृष्टीनेही ही नौका महत्त्वाची मानली जात आहे. (INS Mangrol)
नवी दिल्ली : देशभरातील उच्च शिक्षण आणि तंत्रनिकेतन क्षेत्रात उल्लेखनीय योगदान देणाऱ्या २१ अध्यापक-प्राध्यापकांची राष्ट्रीय शिक्षक पुरस्कारासाठी ...
उथळ पाण्यात पाणबुड्यांचा शोध घेणार :
किनारपट्टीजवळील उथळ समुद्रात मोठ्या युद्धनौकांना अनेकदा मर्यादा येतात. अशा भागात प्रभावीपणे काम करण्यासाठी ‘आयएनएस मंगरोल’ची रचना करण्यात आली आहे. नौकेवर अत्याधुनिक सोनार प्रणाली, हलक्या वजनाचे टॉरपीडो आणि पाणबुडीविरोधी रॉकेट्स तैनात करण्यात आले आहेत. त्यामुळे समुद्राच्या पृष्ठभागाखालील पाणबुड्यांचा शोध घेऊन त्यांच्यावर कारवाई करण्याची नौदलाची क्षमता अधिक मजबूत होणार आहे. (INS Mangrol)
२५ नॉट्स वेगाने धावणार :
‘आयएनएस मंगरोल’मध्ये (INS Mangrol) अत्याधुनिक वॉटरजेट प्रपल्शन सिस्टीम बसवण्यात आली आहे. या प्रणालीमुळे नौकेला सुमारे २५ नॉट्सचा वेग गाठता येतो. ही नौका सलग १४ दिवस समुद्रात मोहिमेवर राहण्यास सक्षम असल्याचं सांगण्यात आलं आहे. पाणबुडीविरोधी मोहिमांव्यतिरिक्त किनारपट्टीची गस्त, शोध आणि बचावकार्य तसेच इतर सागरी सुरक्षा मोहिमांमध्येही या नौकेचा वापर केला जाऊ शकतो. (INS Mangrol)
नवी दिल्ली : स्वदेशी संरक्षण उत्पादनाच्या क्षेत्रात भारताने आणखी एक महत्त्वाचा टप्पा गाठला आहे. ‘मेक इन इंडिया’ उपक्रमांतर्गत अमेठीतील कोरवा आयुध ...
गुजरातच्या ‘मंगरोल’ बंदरावरून नाव :
या युद्धनौकेचं नाव गुजरातमधील ऐतिहासिक मंगरोल बंदरावरून ठेवण्यात आलं आहे. जुन्या ‘मंगरोल’ माईनस्वीपरचा वारसाही ही नौका पुढे घेऊन जाणार आहे. जुनी नौका १९८३ ते २००४ या काळात भारतीय नौदलाच्या सेवेत होती. (INS Mangrol)
नौदलाच्या पाणबुडीविरोधी क्षमतेत वाढ :
उथळ समुद्रातील पाणबुडीविरोधी कारवायांसाठी लहान, वेगवान आणि अत्याधुनिक युद्धनौकांची गरज लक्षात घेऊन ASW-SWC प्रकल्प हाती घेण्यात आला. ‘माहे’, ‘मालवण’नंतर आता ‘मंगरोल’च्या (INS Mangrol) समावेशामुळे भारतीय नौदलाची किनारपट्टीवरील पाणबुडीविरोधी क्षमता आणखी मजबूत झाली आहे. (INS Mangrol)
View this post on Instagram
