Vaibhav Suryavanshi Debut : भारतीय संघात अखेर 'वैभव' पर्व सुरु! १५ व्या वर्षात पदार्पण करणारा पहिला भारतीय खेळाडू

- सचिन तेंडुलकर आणि स्मृती मंधानाला मागे टाकत रचला इतिहास

भारत आणि इंग्लंड यांच्यात सुरू असलेल्या पाच सामन्यांच्या टी२० मालिकेतील दुसरा सामना मँचेस्टरमध्ये खेळवला जात आहे. या सामन्यात सर्वांचे लक्ष तरुण प्रतिभावान फलंदाज वैभव सूर्यवंशी (Vaibhav Suryavanshi Debut) खेळणार की नाही, याकडे लागले होते. सामना सुरू होण्यापूर्वीच उपकर्णधार तिलक वर्मा यांच्या हस्ते त्याला भारतीय संघाची कॅप देण्यात आली आणि त्याच्या आंतरराष्ट्रीय पदार्पणावर शिक्कामोर्तब झाला. (Vaibhav Suryavanshi Debut)

फक्त १५ वर्षे ९९ दिवसांचा वैभव सूर्यवंशी हा आंतरराष्ट्रीय क्रिकेटमध्ये पदार्पण करणारा सर्वात तरुण भारतीय खेळाडू ठरला आहे. याआधी सचिन तेंडुलकरने १६ वर्षे २०५ दिवस वयात पदार्पण केले होते, मात्र सूर्यवंशीने तो विक्रम मोडत नवा इतिहास रचला आहे. (Vaibhav Suryavanshi Debut)

संजू सॅमसनच्या जागी संधी :

भारतीय कर्णधार श्रेयस अय्यरने सामन्यापूर्वी प्लेइंग इलेव्हन जाहीर करताना सांगितले की, संघात एक बदल करण्यात आला असून संजू सॅमसनच्या जागी वैभव सूर्यवंशीला संधी देण्यात आली आहे. अय्यरने सांगितले की, वैभव गेल्या काही महिन्यांपासून उत्कृष्ट फॉर्ममध्ये आहे आणि तो दडपण न घेता आक्रमक फलंदाजी करतो. नेट्समध्ये त्याची कामगिरी पाहता तो संघात खेळण्यास पूर्णपणे पात्र आहे. (Vaibhav Suryavanshi Debut)

आयपीएलमधील झळाळती कामगिरी :

वैभव सूर्यवंशीने वयाच्या अवघ्या १३व्या वर्षी आयपीएलमध्ये पदार्पण करून सर्वांचे लक्ष वेधले होते. आयपीएल २०२६ मध्ये त्याने ७२ षटकारांसह ७७६ धावा करत धमाकेदार कामगिरी केली होती. त्याच कामगिरीच्या जोरावर त्याला टीम इंडियात स्थान मिळाल्याचे मानले जात आहे. (Vaibhav Suryavanshi Debut)

दोन्ही संघांची प्लेइंग ११ :

भारत (प्लेइंग इलेव्हन): वैभव सूर्यवंशी, अभिषेक शर्मा, इशान किशन (विकेटकीपर), श्रेयस अय्यर (कर्णधार), तिलक वर्मा, शिवम दुबे, हर्षित राणा, अक्षर पटेल, रवी बिश्नोई, अर्शदीप सिंग, वरुण चक्रवर्ती.

इंग्लंड (प्लेइंग इलेव्हन): फिलिप सॉल्ट, जोस बटलर (यष्टीरक्षक), हॅरी ब्रुक (कर्णधार), जेकब बेथेल, टॉम बँटन, सॅम करन, विल जॅक्स, लियाम डॉसन, आदिल रशीद, जोफ्रा आर्चर, जोश टंग.

या ऐतिहासिक पदार्पणामुळे क्रिकेटविश्वात वैभव सूर्यवंशीची जोरदार चर्चा सुरू झाली आहे. (Vaibhav Suryavanshi Debut)