Jalgaon–Mumbai air service : जळगाव–मुंबई विमानसेवेचा वापर करणाऱ्या प्रवाशांसाठी मोठी आनंदाची बातमी आहे. उन्हाळ्यातील तीव्र उष्णतेमुळे केवळ ५० प्रवाशांपुरते मर्यादित करण्यात आलेले आरक्षण आता हटविण्यात आले आहे. त्यामुळे आता प्रवाशांसाठी विमानातील सर्व आसने उपलब्ध करून देण्यात येणार असल्याची माहिती कंपनीच्या सूत्रांनी दिली आहे. १ जुलैपासून अलायन्स एअरचे (Alliance Air) विमान पुन्हा पूर्ण ७२ आसनक्षमतेने धावणार आहे. त्यामुळे उत्तर महाराष्ट्रातील शेकडो प्रवाशांना मोठा दिलासा मिळणार आहे.
Nashik : "माझ्या जीवाची आवडी, नेई पंढरपुरा गुढी..." या वैष्णवांच्या जयघोषात साक्षात पांडुरंगाच्या भेटीसाठी संत निवृत्तीनाथ महाराज निघाले आहेत, अशा ...
५० प्रवाशांपुरते मर्यादित आरक्षण का ?
उन्हाळ्याच्या दिवसांत जळगावसह (Jalgaon) उत्तर महाराष्ट्रात (North Maharashtra) तापमान ४० ते ४५ अंश सेल्सिअसपर्यंत पोहोचले होते. उष्ण हवामानामुळे (Hot weather) हवेची घनता कमी होत असल्याने विमानाच्या सुरक्षित उड्डाणासाठी त्याचे एकूण वजन कमी ठेवणे आवश्यक होते. त्यामुळे ७२ आसनक्षमतेच्या विमानात केवळ ५० प्रवाशांचेच आरक्षण स्वीकारण्याचा निर्णय अलायन्स एअरने (Alliance Air) घेतला होता. याचा फटका अनेक प्रवाशांना बसला. व्यावसायिक, शासकीय अधिकारी, विद्यार्थी, उपचारासाठी मुंबईला जाणारे रुग्ण आणि त्यांचे नातेवाईक यांना वेळेवर तिकीट मिळवण्यासाठी मोठी धावपळ करावी लागत होती. अनेकदा आरक्षण उपलब्ध नसल्याने रेल्वे किंवा रस्ते मार्गाचा पर्याय स्वीकारावा लागत होता. कमी आसनसंख्या आणि वाढती मागणी यामुळे तिकिटांचे दरही तुलनेने वाढले होते.
Nashik TCS Case: नाशिकच्या बहुराष्ट्रीय TCS कंपनीतील कथित धर्मांतर, अत्याचार आणि फसवणूक प्रकरणाने संपूर्ण महाराष्ट्राला हादरवून सोडले आहे. अशातच आता या ...
तापमानात लक्षणीय घट, तांत्रिक परिस्थिती अनुकूल
मात्र, पावसाळा सुरू झाल्यानंतर जिल्ह्यातील तापमानात लक्षणीय घट झाली आहे. सुरक्षित उड्डाणासाठी आवश्यक तांत्रिक परिस्थिती पुन्हा अनुकूल झाल्याने आता वजनाची मर्यादा ठेवण्याची गरज उरलेली नाही. त्यामुळे १ जुलैपासून विमानातील सर्व ७२ आसनांचे आरक्षण सुरू करण्याचा निर्णय घेण्यात आला आहे. या निर्णयामुळे दररोज अधिक प्रवाशांना विमानप्रवासाची सुविधा उपलब्ध होणार आहे. आरक्षणासाठी होणारी गर्दी आणि प्रतीक्षा यादी कमी होण्यास मदत होईल. मागणी आणि उपलब्धतेत संतुलन आल्यास तिकिटांच्या दरातही काही प्रमाणात स्थिरता येण्याची शक्यता व्यक्त केली जात आहे.
- मराठी शिकवण्यास टाळाटाळ करणाऱ्या शाळांवर कठोर कारवाई करणार मुंबई : राज्यातील शालेय विद्यार्थ्यांना महाराष्ट्राचा देदिप्यमान इतिहास आणि ...
हजारो प्रवाशांना लाभ
जळगाव–मुंबई विमानसेवा (Jalgaon–Mumbai Air Service) ही उत्तर महाराष्ट्रासाठी महत्त्वाची जीवनवाहिनी ठरली आहे. व्यापारी, उद्योजक, विद्यार्थी, शासकीय अधिकारी आणि वैद्यकीय उपचारासाठी जाणारे रुग्ण या सेवेचा मोठ्या प्रमाणात वापर करतात. आता पूर्ण क्षमतेने सेवा सुरू होत असल्याने जळगावसह धुळे, नंदुरबार आणि परिसरातील हजारो प्रवाशांना याचा थेट लाभ मिळणार आहे.
