Vaibhav Sooryvanshi : वैभवसाठी बीसीसीआयचे खास नियम ! दौऱ्यात टीमसोबत राहता येणार नाही ?

Mumbai : भारतीय संघ या आठवड्यात आयर्लंड दौऱ्यावर जाणार आहे, तिथे दोन सामन्यांची टी-२० मालिका (T-20 Series) होणार आहे. आयपीएलमधील आपल्या उत्कृष्ट कामगिरीच्या जोरावर वैभवने भारतीय वरिष्ठ संघात आपले स्थान मिळवले असून, तो या दौऱ्यासाठी संघासोबत प्रवास करणार आहे. आयर्लंडविरुद्धच्या टी-२० मालिकेत त्याचा सहभाग जवळपास निश्चित मानला जात आहे. भारतीय निवड समितीने आयर्लंड, इंग्लंड आणि आशियाई खेळांच्या दौऱ्यांसाठी टी-२० संघाची निवड केली आहे. इंग्लंडमधील नियमांमुळे, तो इंग्लंड दौऱ्यादरम्यान वरिष्ठ संघासोबत ड्रेसिंग रूम (Dressing Room) शेअर करू शकणार नाही. परिणामी, बीसीसीआयने वैभवसाठी एक विशेष नियम जाहीर केला आहे.

वैभवसाठी बीसीसीआयचे खास नियम ?

इंग्लंडमधील बालसुरक्षा आणि संरक्षणाशी संबंधित कायद्यांमुळे वैभवला वरिष्ठ संघासोबस ड्रेसिंग रूम शेअर करता येणार नाही आहे. या नियमाच्यानुसार १६ वर्षाच्या खालील खेळाडूसाठी आयसीसीचे कोणतेही विशिष्ट नियम नाही. भारतविरुद्ध इंग्लंड टी-२० मालिका ही द्विपक्षीय मालिका असून ही स्पर्धा आयसीसीचा भाग नसेल.

२६ आणि २८ जून रोजी बेलफास्ट येथे खेळल्या जाणाऱ्या दोन टी-२० सामन्यांसाठी वैभवला एक स्वतंत्र चेंजिंग रूम दिली जाईल. क्रिकेट आयर्लंडच्या प्रवक्त्याने सांगितले की, भारतीय संघाला पॅव्हेलियनमध्ये तीन स्वतंत्र खोल्या देण्यात आल्या आहेत आणि त्यांना संबंधित नियमांविषयी माहिती देण्यात आली आहे. बीसीसीआय यूकेच्या कायद्यांनुसार सर्व व्यवस्थांचा आढावा घेईल. आमच्या सर्व कार्यपद्धती आणि धोरणे यूकेमधील सर्वोत्तम पद्धतींशी सुसंगत आहेत. बीसीसीआयच्या नवीन नियमांनुसार, इंग्लंडविरुद्धच्या पाच टी-२० सामन्यांदरम्यान प्रत्येक ठिकाणी वैभवला एक स्वतंत्र चेंजिंग रूम दिली जाईल. तथापि, सामन्यांदरम्यान आणि संघाच्या बैठकांमध्ये त्याला भारतीय संघाच्या ड्रेसिंग रूममध्ये राहण्याची परवानगी असेल.

वैभवने नुकताच श्रीलंकेत झालेल्या तिंरगी मालिकेत चांगली कामगिरी करत सर्वांचे लक्ष्य वेधून घेतले आहे. त्याने या मालिकेत लिस्ट-ए क्रिकेटच्या इतिहासातील सर्वात जलद अर्धशतक झळकावाच विक्रम आपल्या नावी केला आहे. त्याने केवळ 11 चेंडूंमध्ये हा टप्पा गाठला. वैभवने 29 चेंडूंमध्ये 94 धावांची स्फोटक खेळी केली, ज्यामध्ये 10 चौकार आणि 8 षटकारांचा समावेश होता. वैभवने या मालिकेत पाच सामन्यात २११ धावा केल्या आहेत.