व्हेनेझुएला (Venezuela) आणि जपान (Japan) या दोन देशांना बुधवारी (२४ जून) शक्तिशाली भूकंपांचे (Earthquake) धक्के बसले. व्हेनेझुएलामध्ये अवघ्या एका मिनिटाच्या अंतराने ७.२ आणि ७.५ तीव्रतेचे दोन भूकंप झाले, तर जपानमध्ये ६.९ तीव्रतेच्या भूकंपाने नागरिकांमध्ये भीतीचे वातावरण निर्माण झाले.
व्हेनेझुएलात सलग दोन शक्तिशाली भूकंप
व्हेनेझुएलामध्ये स्थानिक वेळेनुसार बुधवारी संध्याकाळी ७.२ आणि त्यानंतर ७.५ तीव्रतेचे दोन भूकंप झाले. गेल्या शंभर वर्षांतील सर्वात शक्तिशाली भूकंपांपैकी हे भूकंप मानले जात आहेत. राजधानी कॅराकस (Caracas) येथे भूकंपाचे तीव्र धक्के जाणवल्याने नागरिकांमध्ये घबराट पसरली. अनेक लोक सुरक्षिततेसाठी घराबाहेर पडले. या भूकंपात एका २२ मजली इमारत कोसळल्याची माहिती समोर आली आहे. तसेच अनेक इमारती आणि घरांच्या काही भागांचे नुकसान झाले आहे.
Kalyan: कल्याणमधून एक अत्यंत धक्कादायक बातमी समोर आली आहे. अवघ्या ७ वर्षांच्या चिमुरडीवर एका नराधमाने लैंगिक अत्याचार केला. या घटनेमुळे संपूर्ण परिसरात ...
सुरक्षेसाठी गॅस पुरवठा बंद
भूकंपानंतर खबरदारीचा उपाय म्हणून अनेक भागांतील गॅस पुरवठा (Gas Supply) बंद करण्यात आला. संभाव्य दुर्घटना टाळण्यासाठी नागरिकांना घरे रिकामी करण्याचे आवाहन करण्यात आले आहे. पहिला भूकंप सुमारे २२ किलोमीटर खोलीवर झाला, तर दुसरा आणि अधिक तीव्र भूकंप केवळ १० किलोमीटर खोलीवर झाला. त्यामुळे त्याचे परिणाम अधिक तीव्रतेने जाणवले.
Japan Earthquake: उत्तर जपानमध्ये ६.९ तीव्रतेचा भूकंप
उत्तर जपानमध्ये ६.९ तीव्रतेचा भूकंप झाला. त्याचे धक्के राजधानी टोकियो (Tokyo) पर्यंत जाणवले. मात्र, सध्या कोणतीही जीवितहानी (Casualty) किंवा मोठ्या नुकसानीची माहिती समोर आलेली नाही. तसेच त्सुनामीचा इशारा (Tsunami Warning) जारी करण्यात आलेला नाही. खबरदारी म्हणून काही शिंकान्सेन बुलेट ट्रेन सेवा (Shinkansen Bullet Train Services) तात्पुरत्या थांबवण्यात आल्या होत्या.
जपानमध्ये वारंवार का होतात भूकंप?
जपान हा जगातील सर्वाधिक भूकंपप्रवण (Earthquake-Prone) देशांपैकी एक आहे. तो पॅसिफिक महासागरातील रिंग ऑफ फायर (Ring of Fire) या संवेदनशील भूकंपीय पट्ट्यात स्थित आहे. येथे चार प्रमुख टेक्टॉनिक प्लेट्स (Tectonic Plates) एकत्र येतात. याच कारणामुळे जपानमध्ये दरवर्षी शेकडो भूकंप होतात. जगातील सुमारे १८ टक्के भूकंप जपान आणि त्याच्या आसपासच्या प्रदेशात नोंदवले जातात.
- भाजप आमदार प्रमोद जठार यांची मागणी; वनमंत्री गणेश नाईक यांच्याकडून सकारात्मक प्रतिसाद मुंबई : सिंधुदुर्ग जिल्ह्यातील जैवविविधतेने नटलेल्या आणि ...
२०११ च्या भीषण आपत्तीची आठवण
२०११ मध्ये जपानमध्ये ९.० तीव्रतेचा महासागरीय भूकंप झाला होता. त्यानंतर आलेल्या त्सुनामीत सुमारे १८,५०० लोकांचा मृत्यू झाला किंवा ते बेपत्ता झाले. तसेच फुकुशिमा अणुऊर्जा प्रकल्प (Fukushima Nuclear Power Plant) गंभीरपणे बाधित झाला होता. सध्या दोन्ही देशांतील प्रशासन परिस्थितीवर लक्ष ठेवून असून नुकसानाचे मूल्यांकन सुरू आहे.