PM Narendra Modi : पंतप्रधान मोदींच्या नेतृत्वावर जगाचा वाढता विश्वास! ऑस्ट्रेलियन सर्व्हेत भारताने अमेरिका-चीनला टाकले मागे

सिडनी : पंतप्रधान नरेंद्र मोदी (Prime Minister Narendra Modi) यांच्या नेतृत्वाखाली भारताची (India) जागतिक प्रतिमा (Global Image) अधिक मजबूत होत असल्याचे पुन्हा एकदा समोर आले आहे. ऑस्ट्रेलियातील (Australia) प्रतिष्ठित लोवी इन्स्टिट्यूट (Lowy Institute) या थिंक टँकने (Think Tank) केलेल्या ताज्या सर्वेक्षणात (Survey) भारतावर ऑस्ट्रेलियन नागरिकांचा विश्वास अमेरिका (United States), चीन (China) आणि रशिया (Russia) यांच्यापेक्षा अधिक असल्याचे दिसून आले आहे. या सर्वेक्षणाचा अहवाल जाहीर होताच उपमुख्यमंत्री एकनाथ शिंदेंनी 'X' वर पोस्ट शेअर करत मोदींचे अभिनंदन केले. 'जागतिक मंचावर भारताचा बुलंद आवाज घुमला आहे; महासत्तांना मागे टाकत मोदीजींनी ऐतिहासिक विजय मिळवला आहे!' या शब्दात शिंदेंनी मोदींचे अभिनंदन केले.

२३ जून रोजी प्रसिद्ध झालेल्या या सर्व्हेनुसार, तब्बल ५० टक्के ऑस्ट्रेलियन नागरिक भारतावर विश्वास व्यक्त करतात. याउलट अमेरिकेवर केवळ ३१ टक्के, चीनवर २८ टक्के आणि रशियावर फक्त ११ टक्के नागरिकांचा विश्वास आहे. या आकडेवारीमुळे जागतिक स्तरावर (Global Level) भारताची वाढती विश्वासार्हता (Credibility) आणि प्रतिष्ठा अधोरेखित झाली आहे.

लोवी इन्स्टिट्यूटच्या अहवालानुसार, ४६ टक्के ऑस्ट्रेलियन नागरिकांना भारत जागतिक घडामोडींमध्ये जबाबदारीने वागेल, असा विश्वास आहे. तर ४ टक्के नागरिकांनी भारताच्या नेतृत्वावर "खूप मोठा विश्वास" (Great Deal of Trust) व्यक्त केला आहे.

अहवालात असेही नमूद करण्यात आले आहे की, अमेरिका आणि चीन या महासत्तांबाबत (Superpowers) ऑस्ट्रेलियन नागरिकांमध्ये विश्वासाची पातळी कमी झाली आहे. विशेषतः जगातील घडामोडींमध्ये जबाबदारीने वागण्याबाबत अमेरिकेवरील विश्वास ३१ टक्क्यांवर घसरला असून, लोवी इन्स्टिट्यूटच्या इतिहासातील हा सर्वात कमी स्तर आहे.

पंतप्रधान मोदींची लोकप्रियता कायम

पंतप्रधान मोदी गेली १२ वर्षे सत्तेत असूनही त्यांची लोकप्रियता (Popularity) आणि नेतृत्वावरील विश्वास कायम आहे. मागील वर्षी मॉर्निंग कन्सल्ट ग्लोबल लीडर अप्रूव्हल ट्रॅकर (Morning Consult Global Leader Approval Tracker) या सर्व्हेनुसार मोदींना ७५ टक्के मान्यता (Approval Rating) मिळाली होती. विशेष म्हणजे सलग पाचव्यांदा त्यांनी या यादीत अव्वल स्थान मिळवले होते.

अनेक देशांत नेतृत्व बदलले, पण मोदी कायम

२०१४ मध्ये नरेंद्र मोदी यांनी प्रथम पंतप्रधानपदाची शपथ घेतल्यानंतर अनेक देशांमध्ये नेतृत्वात मोठे बदल झाले. ऑस्ट्रेलियात माल्कम टर्नबुल (Malcolm Turnbull), स्कॉट मॉरिसन (Scott Morrison) आणि अँथनी अल्बानीज (Anthony Albanese) असे तीन पंतप्रधान झाले.

युनायटेड किंगडममध्ये (United Kingdom) थेरेसा मे (Theresa May), बोरिस जॉन्सन (Boris Johnson), लिझ ट्रस (Liz Truss), ऋषी सुनक (Rishi Sunak) आणि कीर स्टार्मर (Keir Starmer) असे पाच पंतप्रधान झाले आहेत.

तर अमेरिकेत बराक ओबामा (Barack Obama), डोनाल्ड ट्रम्प (Donald Trump) आणि जो बायडेन (Joe Biden) यांच्यानंतर पुन्हा ट्रम्प सत्तेत आले आहेत. मात्र, या काळात भारतात नरेंद्र मोदी यांचे नेतृत्व सातत्याने कायम राहिले आहे.

भारत जगातील तिसरी सर्वात मोठी अर्थव्यवस्था (Third Largest Economy) बनण्याच्या दिशेने वाटचाल करत असताना, जागतिक स्तरावर देशावरील विश्वास आणि प्रभाव (Influence) वाढत असल्याचे या सर्व्हेतून स्पष्ट झाले आहे.