मेकअप आर्टिस्टच्या हँडबॅगमधून कोट्यवधींचे दागिने गायब
मुंबई: मुंबईतील सहार पोलीस (Sahaar Police Station) ठाण्यात 1.35 कोटी रुपयांच्या किमतीचे हिरेजडित कानातले चोरी झाल्याप्रकरणी गुन्हा दाखल करण्यात आला आहे. या प्रकरणी मेकअप आर्टिस्ट सवलीन सिंग (Savleen Singh) यांनी तक्रार दिली असून पोलिसांनी अज्ञात व्यक्तीविरोधात तपास सुरू केला आहे.
सवलीन सिंग या गेल्या सात वर्षांपासून चित्रपट निर्माती आणि फॅशन क्षेत्रातील प्रसिद्ध व्यक्तिमत्त्व रिया कपूर यांच्यासोबत काम करत आहेत. मेट गाला (MET Gala ) 2026 या प्रतिष्ठित फॅशन कार्यक्रमासाठी रिया कपूर यांना निमंत्रण मिळाले होते. या कार्यक्रमासाठी त्यांची संपूर्ण टीम मुंबईहून न्यूयॉर्कला रवाना झाली होती.
पुनिर्वकास कामासाठी नव्याने नेमला कंत्राटदार मुंबई (सचिन धानजी) परळ (Paral) मधील कोविडपूर्वी हाती घेण्यात आलेल्या शिरोडकर मंडईच्या पुनर्विकास प्रकल्प ...
प्रवासादरम्यान रिया कपूर (Riya Kapoor) यांच्यासाठी मेहता ज्वेलर्स आणि गोएंका ज्वेलर्स यांच्याकडून भाड्याने घेतलेले महागडे कानातले सवलीन सिंग यांच्याकडे सुरक्षित ठेवण्यात आले होते. त्यांनी हे दागिने आपल्या हँडबॅगमध्ये ठेवले होते.
27 एप्रिल रोजी टीम मुंबईहून दुबईमार्गे न्यूयॉर्कला रवाना झाली. 28 एप्रिल रोजी न्यूयॉर्कमध्ये (New York) पोहोचल्यानंतर हॉटेलमध्ये सामान तपासताना सवलीन यांना दागिन्यांचे बॉक्स रिकामे असल्याचे आढळले. त्यानंतर त्यांनी या प्रकरणाची माहिती संबंधितांना दिली.
- आरेतील जनतेला आता मिळणार महापालिकेची आरोग्य सेवा दारात मुंबई (सचिन धानजी) मुंबईतील जनतेला चांगल्यात चांगली आरोग्य सेवा देण्याचा प्रयत्न ...
चोरी झालेल्या दागिन्यांमध्ये मेहता ज्वेलर्सचे एमराल्ड आणि डायमंड जडित सोन्याचे कानातले असून त्यांची किंमत सुमारे 66 लाख रुपये आहे. तसेच गोएंका ज्वेलर्सचे जाम्बियन एमराल्ड असलेले कानातले सुमारे 69 लाख रुपयांचे असल्याचे सांगितले जात आहे. या दोन्ही दागिन्यांची एकूण किंमत 1.35 कोटी रुपये आहे.
सहार पोलिसांनी गुन्हा दाखल करून तपास सुरू केला आहे. दागिन्यांची चोरी नेमकी मुंबई-दुबई, दुबई-न्यूयॉर्क प्रवासादरम्यान झाली की अन्यत्र, याचा शोध पोलिस घेत आहेत.
