Nashik Accident News : नाशिक शहरातील पंचवटी याठिकाणी भीषण अपघाताची घटना घडली आहे. पंचवटी परिसरात स्वामीनारायण पोलीस चौकीसमोरील महामार्गावर भरधाव लक्झरी बसने दुचाकीला पाठीमागून जोरदार धडक दिल्याने दोन तरुणांचा मृत्यू झाला आहे. दुर्दैवी घटना बुधवारी पहाटे घडली असून अपघातानंतर बस चालक वाहनासह घटनास्थळावरून पसार झाला आहे.
Nashik Water Crisis : नाशिककरांसाठी एक महत्त्वाची बातमी आहे. पाण्यासंदर्भात ही महत्त्वाची बातमी आहे. यंदा अल-निनोच्या प्रभावामुळे पावसाचे प्रमाण कमी राहण्याची ...
नेमकं काय घडलं ?
पोलिसांकडून मिळालेल्या माहितीनुसार, यज्ञराज काशीराम पांडे (वय २७, रा. पाथर्डी फाटा) आणि आयुष राजेंद्र कासार (वय २०, रा. चेहेडी, नाशिक रोड) हे दुचाकीवरून जात असताना बुधवारी पहाटे हा अपघात झाला. पहाटे सुमारे २.२५ वाजता स्वामीनारायण पोलीस चौकीसमोरील हायवेवर ‘हंसचाल’ कंपनीची एसी स्लीपर लक्झरी बस (AR 11 L 9002) भरधाव वेगाने जात होती. बस चालकाने वाहनावरील नियंत्रण न राखता पुढे असलेल्या टीव्हीएस स्टार सिटी दुचाकीला (MH 18 AE 6356) पाठीमागून जोरदार धडक दिली.
या धडक इतकी भीषण होती की धडकेत दुचाकीवरील दोन्ही तरुण गंभीर जखमी होऊन रस्त्यावर फेकले गेले. त्यांना तातडीने उपचारासाठी रुग्णालयात दाखल करण्यात आले; मात्र उपचार सुरू असताना दुर्दैवाने दोघांचाही मृत्यू झाला. अपघातानंतर चालकाने जखमींना मदत न करता घटनास्थळावरून पलायन केल्याचे पोलिस तपासात समोर आले आहे.
Nashik Vidhan Parishad Election :नाशिक स्थानिक स्वराज्य संस्था मतदारसंघाच्या विधान परिषद निवडणुकीसाठी गुरुवारी (दि. १८) सकाळी ८ वाजेपासून जिल्ह्यातील ९ मतदान केंद्रांवर ...
पंचवटी पोलीस ठाण्यात गुन्हा दाखल
या प्रकरणी चेतन जगदीश भामरे (वय २२, रा. पाथर्डी फाटा) यांनी दिलेल्या फिर्यादीवरून पंचवटी पोलीस ठाण्यात (Panchavati Police Station) अज्ञात बस चालकाविरुद्ध निष्काळजीपणे वाहन चालवून मृत्यूस कारणीभूत ठरल्याप्रकरणी गुन्हा दाखल करण्यात आला आहे. या घटनेचा पुढील तपास उपनिरीक्षक प्रकाश नेमाणे करीत आहेत.
