मुंबई, राज्यातील दर्जेदार माहितीपट, लघुपट आणि बालचित्रपट निर्मितीला प्रोत्साहन देण्यासाठी राज्य शासनाने महत्त्वपूर्ण निर्णय घेतला आहे. सांस्कृतिक कार्य मंत्री आशिष शेलार यांनी माहितीपट व लघुपट निर्माण करण्यासाठी देण्यात येणाऱ्या अर्थसहाय्यात भरीव वाढीवची घोषणा करण्याबरोबरच; बालप्रेक्षकांसाठी दर्जेदार चित्रपट उपलब्ध व्हावेत या उद्देशाने राज्य शासन दरवर्षी बालचित्रपटाची निर्मिती करणार असल्याची घोषणा केली.
दादासाहेब फाळके चित्रनगरीच्या प्रशासकीय कामाचा आढावा घेण्यासाठी मंगळवारी आयोजित करण्यात आलेल्या बैठकीत त्यांनी या घोषणा केल्या.
कल्याण : कल्याण रेल्वे स्थानक परिसरात सुरू असलेल्या 'स्मार्ट सिटी' प्रकल्प आणि उड्डाणपूल बांधकामामुळे वाहतूक व्यवस्थेवर मोठा परिणाम झाला आहे. त्यातच ...
या बैठकीला सांस्कृतिक कार्य विभागाचे सचिव डॉ. किरण कुलकर्णी, महाराष्ट्र चित्रपट रंगभूमी आणि सांस्कृतिक विकास महामंडळाच्या व्यवस्थापकीय संचालक स्वाती म्हसे पाटील, सह व्यवस्थापकीय संचालक प्रशांत साजणीकर यांच्यासह इतर अधिकारी-कर्मचारी उपस्थित होते राज्य शासनाच्या प्रचलित योजनेअंतर्गत माहितीपट व लघुपट निर्मितीसाठी आतापर्यंत प्रत्येकी १० लाख रुपये अर्थसहाय्य दिले जात होते. या अनुदानात मोठी वाढ करून यापुढे प्रत्येक माहितीपट व लघुपटासाठी २५ लाख रुपये अर्थसहाय्य देण्यात येणार असल्याचे मंत्री शेलार यांनी सांगितले. या निर्णयामुळे दर्जेदार विषयांवरील माहितीपट आणि लघुपट निर्मितीला मोठे बळ मिळणार आहे.
मुंबई उपनगर पालकमंत्री अँड आशिष शेलार यांची रेल्वे, महापालिका, बेस्टला सूचना मुंबई, पावसाळ्यात पूर परिस्थितीचे नियोजन करताना रेल्वे, महापालिका, ...
याचबरोबर, बालप्रेक्षकांसाठी दर्जेदार चित्रपट उपलब्ध व्हावेत या उद्देशाने राज्य शासन दरवर्षी बालचित्रपटाची निर्मिती करणार असल्याची घोषणाही करण्यात आली. सांस्कृतिक कार्य विभागामार्फत चित्रपट क्षेत्राच्या विकासासाठी विविध योजना राबविल्या जात असून ऐतिहासिक, सामाजिक आणि सांस्कृतिक विषयांवरील चरित्रपट चित्रपटांसोबतच बालचित्रपट निर्मितीवर विशेष भर देण्यात येणार आहे. राज्य शासनाच्या या निर्णयामुळे नवोदित तसेच अनुभवी चित्रपट निर्मात्यांना प्रोत्साहन मिळणार असून सामाजिक, शैक्षणिक आणि सांस्कृतिक मूल्ये जपणाऱ्या दर्जेदार चित्रपटांची निर्मिती वाढण्यास मदत होणार आहे.
