Gauri Spratt Ex-Husband : बॉलिवूडचा मिस्टर परफेक्शनिस्ट म्हणून ओळखला जाणारा आमिर खान (Aamir Khan) पुन्हा एकदा आपल्या वैयक्तिक आयुष्यामुळे चर्चेत आला आहे. पाली हिल येथील निवासस्थानी ५ जुलै २०२६ रोजी त्याने प्रेयसी गौरी स्प्रॅटसोबत (Gauri Spratt) विवाह केला. आमिरच्या पहिल्या पत्नी रीना दत्ता आणि दुसऱ्या पत्नी किरण राव यांच्या उपस्थितीत हा खासगी सोहळा पार पडल्याची माहिती आहे. गेल्या काही महिन्यांपासून आमिर आणि गौरी यांचे नाते चर्चेत होते. आता विवाहानंतर गौरी स्प्रॅटच्या वैयक्तिक आयुष्याबाबत चाहत्यांची उत्सुकता वाढली आहे.
गौरी स्प्रॅटचे पहिले लग्न कुणाल स्प्रॅटसोबत
गौरी स्प्रॅट ही आमिरप्रमाणेच याआधी विवाहित होती. रिपोर्ट्सनुसार, तिचे पहिले लग्न कुणाल स्प्रॅट (Kunal Spratt) याच्यासोबत झाले होते. कुणाल हा मॉडेल आणि अभिनेता म्हणून काम करत असल्याचे सांगितले जाते. मात्र, दोघांनीही आपले वैयक्तिक आयुष्य कायमच प्रसिद्धीपासून दूर ठेवले. त्यामुळे त्यांच्या नात्याबाबत फारशी माहिती सार्वजनिकरीत्या उपलब्ध नाही.
मुंबई : रविवारी मुंबईत दिवसभर झालेल्या मुसळधार पावसामुळे शहरातील अनेक भागांमध्ये वाहतुकीवर परिणाम झाला. वांद्रे परिसरातील नर्गिस दत्त रोडवर ...
गौरी आणि कुणाल यांच्या मुलाचे नाव क्विन
मिळालेल्या माहितीनुसार, गौरी आणि कुणाल यांनी २०१० मध्ये विवाह केला होता. लग्नानंतर त्यांनी जवळपास एक दशकाहून अधिक काळ एकत्र संसार केला. त्यांना एक मुलगा असून त्याचे नाव क्विन स्प्रॅट (Quinn Spratt) आहे. २०१९ मध्ये त्याचा जन्म झाला. त्याच्या वेगळ्या नावामुळेही सोशल मीडियावर अनेकदा चर्चा रंगली होती. गौरी स्प्रॅट ही क्रिएटिव्ह कन्सल्टंट (Creative Consultant) म्हणून काम करते, तर तिचा माजी पती कुणाल स्प्रॅट मनोरंजन क्षेत्राशी संबंधित होता. विविध फॅशन इव्हेंट्स आणि सामाजिक कार्यक्रमांमध्ये दोघेही एकत्र दिसल्याचे सांगितले जाते. मात्र, त्यांनी कधीही आपल्या नात्याविषयी फारशी सार्वजनिक चर्चा केली नाही.
क्विन प्रकाशझोतापासून लांबच
रिपोर्ट्सनुसार, २०२३ मध्ये गौरी आणि कुणाल यांचा घटस्फोट झाला. त्यावेळी त्यांचा मुलगा क्विन सुमारे चार वर्षांचा होता. विभक्त झाल्यानंतर दोघांनीही मुलाच्या सह-पालनपोषणाची जबाबदारी स्वीकारली. गौरीने आपल्या मुलाला कायमच माध्यमांच्या प्रकाशझोतापासून दूर ठेवले असून त्याचे फार कमी फोटो सार्वजनिकरित्या उपलब्ध आहेत.
मुंबई : लोकप्रिय विनोदी कार्यक्रम (Comedy Show) 'महाराष्ट्राची हास्यजत्रा' संदर्भात सोशल मीडिया (Social Media) आणि युट्यूब (YouTube) वर सुरू असलेल्या एका प्रकारावर ...
६० व्या वाढदिवसाशी जगाला करून दिली गौरीची ओळख
दरम्यान, आमिर खानने २०२५ मध्ये आपल्या ६०व्या वाढदिवसानिमित्त प्रथमच गौरी स्प्रॅटची जगाला ओळख करून दिली होती. त्यानंतर दोघे अनेक कार्यक्रमांमध्ये एकत्र दिसू लागले आणि त्यांच्या नात्याच्या चर्चांना उधाण आले. अखेर ५ जुलै २०२६ रोजी दोघांनी विवाह करत आपल्या नात्याला अधिकृत रूप दिले. आता आमिर आणि गौरी यांच्या नव्या आयुष्याबरोबरच गौरीच्या पूर्वीच्या आयुष्याचीही मोठ्या प्रमाणावर चर्चा होत आहे.
