फिफा विश्वचषकात वारसा भक्कम करण्याची संधी
नवी दिल्ली : किलीयम एमबाप्पे याच्यासाठी २०२६ चा फिफा विश्वचषक हा केवळ आणखी एक स्पर्धा नसून स्वतःचे स्थान जागतिक फुटबॉलमधील सर्वोच्च खेळाडू म्हणून सिद्ध करण्याची मोठी संधी ठरणार आहे. २०१८ मध्ये जगाला वेग, धाडस आणि आक्रमक खेळाने चकित करणारा किशोरवयीन एमबाप्पे आता फ्रान्स संघाचा प्रमुख चेहरा आणि नेतृत्व करणारा खेळाडू बनला आहे.
मुंबई : राज्यातील उकाड्याने हैराण झालेल्या नागरिकांसाठी आणि पावसाच्या प्रतीक्षेत असलेल्या बळीराजासाठी दिलासादायक बातमी समोर आली आहे. हवामान ...
फ्रान्स राष्ट्रीय फुटबॉल संघामध्ये आता अनुभवी खेळाडू अँटोइन ग्रीझमन आणि ऑलिव्हिये जिरू यांची भूमिका पूर्वीइतकी प्रभावी राहिलेली नाही. त्यामुळे संपूर्ण संघाच्या अपेक्षा एमबाप्पेभोवती केंद्रीत झाल्या आहेत. तर दुसरीकडे रिअल माद्रिद सीएफ सोबतचा एमबाप्पेचा अलीकडील हंगाम मात्र अपेक्षेप्रमाणे राहिला नाही. संघाला एकही मोठे विजेतेपद मिळवता आले नाही. सामाजिक माध्यमांवरील टीका, संघातील तणावाच्या चर्चा आणि अंतर्गत मतभेदांच्या अफवांमुळे वातावरण ढवळून निघाले. तरीही एमबाप्पेने वैयक्तिक कामगिरीत ४३ सामन्यांत तब्बल ४१ गोल करत आपली क्षमता सिद्ध केली.
२०२६ मध्ये पुन्हा इतिहास घडवणार?
आज जगभरात अनेक युवा फुटबॉलपटू उदयास येत असले तरी पुढील पिढीचा सर्वात मोठा चेहरा म्हणून एमबाप्पेकडेच पाहिले जाते. २०२६ चा विश्वचषक त्याच्यासाठी केवळ आणखी एक स्पर्धा नाही; तर स्वतःचा वारसा अधिक भक्कम करण्याची आणि बॅलन डी’ऑरच्या दिशेने निर्णायक पाऊल टाकण्याची सुवर्णसंधी आहे.
नवी दिल्ली : इबोला प्रभावित देशांतील बदलती परिस्थिती आणि जागतिक आरोग्य संघटनेच्या (डब्ल्यूएचओ) शिफारशी लक्षात घेऊन केंद्र सरकारने सर्व भारतीय ...
२०२२ : मेस्सी विरुद्ध एमबाप्पे : २०२२ च्या विश्वचषक अंतिम सामन्यात फ्रान्स आणि अर्जेंटिना आमने-सामने आले. बहुतांश वेळ सामना अर्जेंटिनाच्या नियंत्रणात होता. मेस्सीच्या नेतृत्वाखाली अर्जेंटिना २-० ने आघाडीवर होती आणि फ्रान्सचा पराभव निश्चित मानला जात होता. मात्र काही क्षणांतच एमबाप्पेने सामना पूर्णपणे फिरवला. अवघ्या दोन मिनिटांत दोन गोल करत त्याने फ्रान्सला पुन्हा स्पर्धेत आणले. अतिरिक्त वेळेतही त्याने आणखी एक गोल करत हॅट्ट्रिक पूर्ण केली. विश्वचषक अंतिम सामन्यात हॅट्ट्रिक करणारा तो इतिहासातील मोजक्या खेळाडूंमध्ये सामील झाला. अखेरीस अर्जेंटिनाने विजेतेपद पटकावले आणि मेस्सीचे स्वप्न पूर्ण झाले. तरीही त्या अंतिम सामन्यानंतर जागतिक फुटबॉलमधील पुढील युग एमबाप्पेचे असणार, अशी चर्चा अधिक मजबूत झाली.