पुणे : नीट-यूजी २०२६ पेपरफुटी प्रकरणी सीबीआयने पुण्यातून रसायनशास्त्राचा निवृत्त प्राध्यापक पी. व्ही. कुलकर्णी याला अटक केली आहे. तो नॅशनल टेस्टिंग एजन्सीच्या वतीने परीक्षा प्रक्रियेत सहभागी होता आणि त्याच्याकडे प्रश्नपत्रिकाही उपलब्ध होत्या. यामुळेच पी. व्ही. कुलकर्णी हा पेपरफुटी प्रकरणाचा सूत्रधार असल्याचा संशय आहे. सीबीआय या प्रकरणी पुढील तपास करत आहे.
नवी दिल्ली : पुढील वर्षापासून नीट यूजी परीक्षा संगणक आधारित (सीबीटी) पद्धतीने घेतली जाणार आहे, अशी माहिती केंद्रीय शिक्षण मंत्री धर्मेंद्र प्रधान ...
एप्रिल २०२६ च्या शेवटच्या आठवड्यात पुण्यातील निवासस्थानी विशेष कोचिंग क्लासच्या निमित्ताने पी. व्ही. कुलकर्णीने विद्यार्थ्यांना फोडलेल्या पेपरवरूनच प्रश्न विचारले होते. सराव परीक्षा घेत असल्याचे नाटक करून पी. व्ही कुलकर्णीने चतुराईने पेपर फोडला होता. या प्रकरणात सीबीआयने प्रश्नपत्रिका तयार करण्याच्या प्रक्रियेत सहभागी असलेल्या लोकांची यादी शिक्षण मंत्रालयाकडे मागणार आहे.
नवी दिल्ली : राष्ट्रीय परीक्षा एजन्सीने (NTA) वैद्यकीय प्रवेशासाठी अत्यंत महत्त्वाच्या असलेल्या NEET-UG 2026 परीक्षेच्या नव्या तारखेची अधिकृत घोषणा केली आहे. ...
प्राथमिक चौकशीअंती सीबीआयने कुलकर्णीला पुण्यात अटक करून दिल्लीला नेले. कुलकर्णीने घेतलेल्या विशेष कोचिंग क्लासमध्ये सहभागी होण्यासाठी विद्यार्थ्यांनी लाखो रुपये मोजल्याची माहिती सीबीआयच्या हाती आली आहे. या प्रकरणी सखोल तपास सुरू आहे. सीबीआयने मनीषा वाघमारेसह आणखी एका व्यक्तीला पुण्यातून अटक केली आहे. कुलकर्णीने वाघमारेच्या मदतीने विशेष कोचिंग क्लासेस आयोजित केले होते. या विशेष कोचिंग क्लासेसमध्ये तो फुटलेल्या पेपरमधील प्रश्न आणि त्यांची अचूक उत्तरे सांगत होता, अशी माहिती हाती आल्यानंतरच सीबीआयने कुलकर्णीची चौकशी सुरू केली आणि संशय बळावताच त्याला अटक केली.
मुंबई : राज्यातील कायदा-सुव्यवस्था अधिक गतिमान करण्यासाठी आणि तपास यंत्रणांना नवी दिशा देण्यासाठी गृह विभागाने शुक्रवारी वरिष्ठ पोलीस ...
पेपरफुटी प्रकरणी केंद्रीय शिक्षण मंत्रालयाने लेखी तक्रार केली. यानंतर सीबीआयने १२ रोजी गुन्हा नोंदवला आणि तपास सुरू केला. संशयास्पद कागदपत्र, इलेक्ट्रॉनिक वस्तू, मोबाईल जप्त केले. जयपूर, गुरुग्राम, नाशिक, पुणे, अहिल्यानगर येथे ठिकठिकाणी कारवाई करून सीबीआयने एकूण सात जणांना अटक केली. या कारवाईनंतर सीबीआयने आता निवृत्त प्राध्यापक पी. व्ही कुलकर्णी याला अटक केली आहे.
जातीनिहाय जनगणनेचा संभ्रम दूर मुंबई : जनगणनेच्या पहिल्या टप्प्यातील प्रश्नावलीत ओबीसींचा कॉलम नसल्याने निर्माण झालेला संभ्रम अखेर दूर करण्यात आला ...
याआधी पेपरफुटीच्या प्रकरणात सीबीआयने शिवराज माटेगांवकर यांची तब्बल ११ तास चौकशी केली. लातूर येथील माटेगांवर आरसीसी कोचिंग क्लासेसच्या महाराष्ट्रात अनेक शाखा आहेत. वैद्यकीय प्रवेशासाठी आवश्यक कोचिंग क्लासेस ते घेतात. या क्लासेसमार्फत जी मॉक टेस्ट (सराव चाचणी) घेण्यात आली, त्या सराव चाचणीच्या प्रश्नपत्रिकेत नीट परीक्षेत आलेल्या प्रश्नांचा देखील समावेश होता, असे समोर आले आहे. यानंतर माटेगांवकर यांची चौकशी करण्यात आली. या चौकशीनंतर हाती आलेली माहिती तसेच आधी अटक केलेल्या सात जणांनी दिलेली माहिती यावरून सीबीआयला निवृत्त प्राध्यापक पी. व्ही. कुलकर्णी याचा संशय आला. अखेर त्याला सीबीआयने उलटसुलट प्रश्न विचारले. समाधानकारक उत्तरे मिळत नसल्यामुळे तपास अधिकाऱ्यांचा संशय बळावला आणि कुलकर्णीला अटक करण्यात आली.
मुख्यमंत्री देवेंद्र फडणवीस यांचा निर्णय; 'एटीएफ'वरील व्हॅट १८ टक्क्यांवरून थेट ७ टक्क्यांवर मुंबई : पश्चिम आशियातील वाढत्या तणावामुळे ...
नीट-यूजी २०२६ पेपरफुटी प्रकरणी सीबीआयने अटक केलेले आठ आरोपी
- पी. व्ही. कुलकर्णी - संशयित सूत्रधार, पुण्यातून अटक
- शुभम खैरनार - नाशिक (महाराष्ट्र), मूळ प्रश्नसंच मिळवून यश यादवला संभाव्य प्रश्नांची प्रश्नपत्रिका म्हणून दिल्याचा आरोप
- यश यादव - गुरुग्राम (हरियाणा), टेलिग्रामवर पीडीएफ स्वरूपात लीक झालेली प्रश्नपत्रिका शेअर केल्याचा आरोप
- मंगिलाल बिवाल - जयपूर (राजस्थान), मुलासाठी प्रश्न मिळवण्याकरिता १०-१२ लाख रुपये मोजल्याचा आरोप
- विकास बिवाल - जयपूर (राजस्थान), मंगिलाल यांचा मुलगा, जो यश यादवचा सीकरमधील एका कोचिंग सेंटरमधील मित्र
- दिनेश बिवाल - जयपूर (राजस्थान), अनेक राज्यात माहिती पसरविण्याचा आरोप
- मनीषा वाघमारे - पुणे (महाराष्ट्र), व्यवसायाने ब्युटिशियन, परीक्षेपूर्वी २१ बँक खात्यांमधून मोठी रक्कम काढल्याचा आरोप
- धनंजय लोखंडा - अहिल्यानगर (महाराष्ट्र), पेपरफुटी प्रकरणातील एक आरोपी
