Ladki Bahin Yojana: राज्य सरकारची महत्वाकांक्षी योजना म्हणून ओळखली जाणारी मुख्यमंत्री लाडकी बहीण योजना अनेक गरजू महिलांसाठी मोठ्या फायद्याची ठरली आहे. या योजनेच्या माध्यमातून राज्यातील गरजू महिलांना दर महिन्याला १५०० रुपये दिले जातात. एप्रिल महिना संपायला अबघे ३ दिवस शिल्लक आहे मात्र अद्याप लाडकी बहीण योजनेचा हफ्ता न आल्याने अनेक महिला चिंतेत आहे. ( Ladki Bahin Yojana )
लाडकी बहीण योजनेचा मार्च महिन्याचा हप्ता जमा होणे बाकी आहे , तो कधी होईल याची प्रतीक्षा महिलावर्ग करत आहे, त्यानंतर एप्रिलचा हप्तादेखील कधी येणार असा प्रश्न विचारला जात आहे. दरम्यान लाडकी बहीण योजनेचे दोन्ही हफ्ते एकत्र येणार असल्याचीही चर्चा सध्या सुरु आहे.
लाडक्या बहिणींना मार्च-एप्रिलचा हप्ता कधी मिळणार?
लाडकी बहीण योजनेचा हफ्ता साधारण महिन्याच्या शेवटच्या आठवड्यात दिला जातो, यावेळेस थेट लाभार्थी महिलांच्या बँक अकाऊंटवर पैसे जमा होतात. दरम्यान, आतादेखील महिनाअखेरीस महिलांच्या खात्यात पैसे जमा होऊ शकतात. महिलांना या आठवड्यात पैसे येण्याची शक्यता वर्तवली जात आहे.एप्रिल महिना संपायला अवघे ३ दिवस उरले आहेत. त्यामुळे या कालावधीत कधीही पैसे दिले जाण्याची शक्यता वर्तवण्यात येत आहे. दरम्यान, महिलांना एका महिन्याचे की दोन महिन्याचे पैसे दिले जाणार याबाबत कोणतीही अधिकृत माहिती समोर आलेली नाही. (Ladki Bahin Yojana March April Installment Date)
लाडक्या बहिणींना किती पैसे मिळणार? (Ladki Bahin Yojana Installment Update)
लाडकी बहीण योजनेत महिलांना या महिन्यात किती पैसे मिळणार याबाबत अनेक प्रश्न उपस्थित केले जात आहे. लाडकी बहीण योजनेत मार्च आणि एप्रिलचा हप्ता एकत्र येणार असल्याच्या चर्चा सुरु आहेत. त्यामुळे या महिन्यात फक्त एकाच महिन्याचे १५०० रुपये की दोन महिन्याचे ३००० रुपये मिळणार याकडे सर्वांचेच लक्ष लागले आहे.
