जशपूर : छत्तीसगडमधील जशपूर जिल्ह्यात आरा पर्वतरांगेत खासगी विमान कोसळले. कोसळलेले चार्टर्ड प्लेन जशपूर जिल्ह्यातील नारायणपूरमधील रतनपहली जंगलात झाडांना धडकले आणि कोसळले. विमान कोसळताच आग लागली. आकाशाच्या दिशेने जात असलेल्या धूर दूरून स्पष्ट दिसू लागला. अपघाताची माहिती मिळताच पोलीस आणि प्रशासन घटनास्थळाच्या दिशेने रवाना झाले आहे. थोड्याच वेळात मदतकार्य सुरू होईल, असे पोलिसांनी सांगितले. विमानात किती प्रवासी होते ? विमानातल्या प्रवाशांची नावं आदी माहिती अद्याप मिळालेली नाही.
विमान जमिनीपासून ३० फुटांवर उडत असताना अचानक डोंगराळ भागातील जंगलाच्या दिशेने गेले आणि झाडांवर आदळले. डोंगराळ भाग असल्याने मदतकार्यात अडचणी येत आहेत पण परिस्थिती लवकरच नियंत्रणात येईल, अशी माहिती प्रशासनाने दिली आहे. एसएसपी लाल उमेद सिंह अपघातस्थळाकडे रवाना झाले आहेत.
