मुंबई : मध्य रेल्वेने शनिवारी आणि रविवारी विशेष मेगाब्लॉकची घोषणा केली आहे. मध्य रेल्वेच्या कांजूर रेल्वे पादचारी उड्डाणपूलाच्या गर्डर लाँचिगसाठी विशेष ट्रॅफिक आणि पॉवर ब्लॉक घोषणा करण्यात आली आहे. या पॉवरब्लॉकमुळे मध्य रेल्वेवर काही लोकल रद्द करण्यात आल्या आहेत. त्यामुळे शनिवारी आणि रविवारी रेल्वे प्रवाशांचा खोळंबा होण्याची शक्यता आहे.
खारबाव येथील नियोजित रात्रकालीन मेगाब्लॉक रद्द मुंबई (प्रतिनिधी) : रेल्वे रूळ, ओव्हर हेड वायर, सिग्नल यंत्रणा आणि अभियांत्रिकी कामे करण्यासाठी ...
मध्य रेल्वेद्वारे कांजूरमार्ग रेल्वे स्थानक येथे कल्याण बाजूच्या दिशेने कि.मी. २४/१३–१४ दरम्यान पादचारी उड्डाणपुलासाठी ६ मीटर रुंदीचे ४ गर्डर, रोड क्रेनच्या सहाय्याने लाँच करण्यात येणार आहे. यासाठी विशेष ट्रॅफिक आणि पॉवर ब्लॉकची घोषणा करण्यात आली आहे. मध्य रेल्वेकडून शनिवार १४ ते रविवार १५ फेब्रुवारी २०२६ च्या मध्यरात्रीपर्यंत विशेष ब्लॉक घेण्यात येणार आहे.
या ब्लॉकमुळे १५ फेब्रुवारी २०२६ रोजी छत्रपती शिवाजी महाराज टर्मिनस येथून ००.१२ वाजता कर्जतसाठी सुटणारी गाडी माटुंगा रेल्वे स्थानक ते मुलुंड रेल्वे स्थानक दरम्यान डाउन जलद मार्गावरून वळविण्यात येईल. ही लोकल विद्याविहार, कांजूरमार्ग आणि नाहूर येथे थांबणार नाही. त्यामुळे तिन्ही स्टेशनवर उतरणाऱ्या प्रवाशांना दुसऱ्या स्टेशनवर उतरावे लागणार आहे.
ब्लॉकमुळे उपनगरीय गाड्यांवरील परिणाम होणार आहे. या ब्लॉकमुळे दोन गाड्या रद्द करण्यात आल्या आहेत. छत्रपती शिवाजी महाराज टर्मिनस येथून १५ फेब्रुवारी २०२६ रोजी ठाण्यासाठी ००.२४ वाजता सुटणारी गाडी रद्द करण्यात आली आहे. तसेच १५ फेब्रुवारी २०२६ रोजी ठाण्यातून छत्रपती शिवाजी महाराज टर्मिनससाठी सुटणारी ०४.०४ वाजताची गाडी रद्द करण्यात आली आहे.
