पंढरपूर : पंढरपुरात पुराची परिस्थिती निर्माण होत असताना शुक्रवारी (दि.२०) चंद्रभागा नदीत एक दुर्घटना घडली. पुंडलिक मंदिराजवळ चंद्रभागा नदीत बुडून बेळगाव येथील एका तरुणाचा मृत्यू झाला आहे.
मिळालेल्या माहितीनुसार, शुभम पावले (२७) या अस नदीत बुडून मृत्यू झालेल्या तरुणाचे नावं आहे. शुभम आपल्या मित्रांसोबत विठ्ठल-रुक्मिणीच्या दर्शनासाठी पंढरपुरात आला होता. शुक्रवारी (दि. २०) सकाळी तो मित्रांसह चंद्रभागा नदीत पवित्र स्नानासाठी गेला होता. मात्र, पाण्याच्या खोलीचा अंदाज न आल्याने तो बुडाला. घटनेची माहिती मिळताच तातडीने शोधकार्य सुरू करण्यात आले. तब्बल ४ तासांच्या अथक प्रयत्नांनंतर शुभमचा मृतदेह शोधण्यात यश आले. या घटनेमुळे पंढरपूर आणि बेळगाव परिसरात हळहळ व्यक्त होत आहे.
पंढरपूर : महाराष्ट्रातील लाखो भाविकांचं दैवत असलेल्या विठूरायाच्या दर्शनासाठी पंढरपूरमध्ये येत असतात. येत्या ६ जुलै रोजी आषाढी एकादशीचा मुख्य सोहळा ...
आषाढी यात्रेच्या पार्श्वभूमीवर चंद्रभागा नदीमध्ये पवित्र स्नानासाठी भाविकांची गर्दी वाढू लागली आहे. त्यातच गेल्या काही दिवसांपासून जिल्ह्यात सुरू असलेल्या मुसळधार पावसामुळे आषाढी यात्रेवर महापुराचे सावट निर्माण आहे. उजनीतून भीमा नदीत सोडण्यात येत असलेल्या पाण्यामुळे प्रशासनाने भाविकांना सतर्कतेचा इशारा गुरूवारी (दि. १९) दिला होता.आषाढीसारख्या पवित्र सोहळ्याच्या तोंडावर अशा घटना टाळण्यासाठी प्रशासनाने अधिक सतर्क राहण्याची गरज असल्याचे मत व्यक्त होत आहे.