बोरी बुद्रुक वीज उपकेंद्राचे काम सहा महिन्यांत पूर्ण करा

  47

उपमुख्यमंत्री अजित पवार यांचा आदेश


पुणे : जुन्नर तालुक्यातील बोरी बुद्रुक येथील महावितरणच्या वीज उपकेंद्राचे काम सहा महिन्यांत पूर्ण करण्यात यावे, त्यासाठी महावितरणच्या अधिकाऱ्यांनी विशेष लक्ष द्यावे,’ असा आदेश उपमुख्यमंत्री अजित पवार यांनी दिला.


महावितरणच्या मंचर विभागातील बोरी बुद्रुक येथे होणाऱ्या वीज उपकेंद्राचे भूमिपूजन उपमुख्यमंत्री पवार यांच्या हस्ते करण्यात आले. त्या वेळी ते बोलत होते. आमदार दिलीप वळसे पाटील, माजी खासदार शिवाजीराव आढळराव पाटील, माजी आमदार अतुल बेनके, तसेच सत्यशील शेरकर, सरपंच वनिता डेरे, जिल्हाधिकारी जितेंद्र डुडी, महावितरणचे प्रादेशिक संचालक भुजंग खंदारे, पुणे विभागाचे मुख्य अभियंता सुनील काकडे उपस्थित होते.


जुन्नर तालुक्यातील बोरी बुद्रुक आणि परिसरातील गावे, वाड्या-वस्त्यांना महावितरणच्या शिरोली येथील ३३/११ केव्ही उपकेंद्राद्वारे वीजपुरवठा करण्यात येतो. मात्र, शिरोलीचे उपकेंद्र अतिभारित होत असल्याने वीजपुरवठा कमी दाबाने होत आहे. त्यामुळे वीजपुरवठा खंडित होण्याचे प्रमाणही अधिक आहे. त्यावर उपाय म्हणून बोरी बुद्रुक येथे ‘कृषी धोरण २०२०’ या योजनेतून ९ कोटी ८६ लाख रुपये खर्च करून नवीन उपकेंद्र उभारण्यात येत आहे. या उपकेंद्रातून ११ केव्हीच्या ६ वीजवाहिन्या निघणार आहेत. त्याद्वारे बोरी बुद्रुक, बोरी खुर्द, कोरडेमळा, माळवाडी, साईनगर गावठाण, शिंदेमळा, बोरी खुर्द गावठाण, वसईमळा, तसेच वाड्या-वस्त्यांना सुरळीत वीज पुरवठा होणार असल्याची माहिती महावितरणकडून देण्यात आली.

Comments
Add Comment

सिंधुदुर्ग : कार ऑन रेल सेवेने पाचपैकी चार वाहने नांदगावला उतरली

सिंधुदुर्ग : कोकण रेल्वेची पहिली कार ऑन ट्रेन कोलाड (जि. रायगड) स्थानकावरून निघाली आणि रात्री नांदगाव (जि.

आता २९ ऑगस्टला फाईट, चलो मुंबई; जरांगेंचा इशारा

मुंबई : मराठा आरक्षणासाठी २९ ऑगस्ट रोजी मुंबईत मुख्यमंत्र्यांच्या घराबाहेर येतोय, असा इशारा मनोज जरांगे यांनी

अवघे 2 दिवस बाकी कोकणच्या बाप्पाची ओढ, 'मोदी एक्सप्रेस' निघाली गावाला

गणेशोत्सव आणि कोकण या नात्याची, आपुलकीची, श्रद्धेची माहिती सांगण्याची आवश्यकता नाही, गणपती म्हटलं की कोणत्याही

गणपतीआधी मुंबई महापालिका निवडणुकीच्या पार्श्वभूमीवर भाजपाची तातडीची बैठक, भाजपचं मिशन बीएमसी सुरू

येणाऱ्या पालिका निवडणुकीसाठी भाजपने आतापासून कंबर कसली आहे. मुंबई महापालिका निवडणूक ही राज्याच्या

साई बाबांचा प्रसाद महागला! दरवाढीमुळे जनसामान्यांमध्ये नाराजी

अहिल्यानगर: शिर्डीच्या साईबाबांच्या दर्शनाला दररोज लाखों भाविक शिर्डीत येतात. साईबाबांचे दर्शन घेऊन घरी

अजित पवारांच्या जिल्ह्यातच लाडकी बहीण योजनेचे सर्वाधिक बोगस लाभार्थी

राज्य सरकारची 'मुख्यमंत्री-माझी लाडकी बहीण' योजनेचा गैरफायदा घेतलेल्या बोगस लाभार्त्यांच्या संख्येत वाढ