घाटकोपर मध्ये हिंदी माध्यमातील पाठ्यपुस्तके जाळून मनसेने केला निषेध
मुंबई : हिंदी भाषा सक्ती विरोधात राज ठाकरे यांची महाराष्ट्र नवनिर्माण सेना आक्रमक झाली आहे. नविन शिक्षण धोरणाचा अवलंब करीत राज्य शासनाने शिक्षण आराखड्याचा स्वीकार केला असून त्रिभाषा सूत्र लागू करत हिंदी विषय राज्यात सक्तीचा केलेला आहे. हिंदी भाषा सक्ती विरोधात महाराष्ट्र नवनिर्माण विद्यार्थी सेनेने शुक्रवारी हिंदी माध्यमातील पाठ्यपुस्तके जाळून निषेध करण्याचा प्रयत्न केला.
यावेळी घाटकोपर पोलिसांनी हे आंदोलन वेळीच रोखून आंदोलन करणाऱ्या कार्यकर्त्याला अटक केले. मनविसेचे घाटकोपर सचिव अभिषेक सावंत यांनी कार्यकर्त्यांसह हिंदी माध्यमातील पाठ्यपुस्तके हातात घेत घोषणा बाजी केली. यावेळी कार्यकर्त्यांनी हिंदी भाषेतील पाठ्यपुस्तके जाळून निषेध करण्याचा प्रयत्न केला असता पोलिसांनी वेळीच कार्यकर्त्यांना ताब्यात घेतले.
तामिळनाडू : तामिळनाडूमधील मंदिरांना आता उत्पन्नाचा एक नवीन स्रोत मिळाला आहे. मंदिरांना दान केलेलं सोनं तामिळनाडू सरकार वितळवून त्याच्या सोन्याच्या ...
त्रिभाषा सूत्रानुसार राज्यात इयत्ता पहिलीपासून हिंदी विषय सक्तीचा करण्याच्या महायुती सरकारच्या निर्णयाला महाराष्ट्र नवनिर्माण सेनेने प्रखर विरोध दर्शवला आहे. राज्य सरकार हिंदीची सक्ती करून मराठी भाषा संपवण्याचा डाव साधत आहे. आज आम्ही प्रतिकात्मक आंदोलन करत असताना पोलीस आमचे आंदोलन दडपत असल्याचे मनविसेचे सचिव अभिषेक सावंत यांनी प्रतिक्रिया देताना सांगितले.