Disha Salian Case : “दिशा सालियनच्या मृत्यूमागे आदित्य ठाकरे आणि सेलिब्रेटींचे ड्रग्ज रॅकेट”

  98

शिवसेना उपनेते आणि प्रवक्ते संजय निरुपम यांचा खळबळजनक दावा


मुंबई : दिशा सालियन हत्येच्या मागे (Disha Salian Case) आमदार आदित्य ठाकरे (Aditya Thackeray) यांचा हात असल्याचा संशय आता अधिक बळावत आहे, असा गंभीर आरोप शिवसेना उपनेते आणि प्रवक्ते संजय निरुपम (Sanjay Nirupam) यांनी केला आहे. या प्रकरणाशी मुंबईतील सेलिब्रिटी ड्रग्ज रॅकेटचा संबंध असल्याचेही त्यांनी सांगितले.


दिशा सालियन मृत्यू प्रकरणात आदित्य ठाकरे बाबतची चर्चा वाढू लागल्यावर उबाठा गटाकडून सदर प्रकरणावरुन लक्ष विचलीत करण्यासाठी मुद्दामहून कुणाल कामराचे वादग्रस्त गाणे व्हायरल करण्यात आले, असा आरोप संजय निरुपम यांनी केला. शिवसेनेचे मुख्य नेते आणि राज्याचे उपमुख्यमंत्री एकनाथ शिंदे यांच्यावरील टीकेवर कुणाल कामरावर निश्चित कारवाई होईल, असेही त्यांनी स्पष्ट केले.



दिशा सालियन यांचे वडील सतीश सालियन यांनी केलेले नवे आरोप गंभीर असून, त्यांच्या तक्रारीवर लवकरच मालवणी पोलीस ठाण्यात एफआयआर नोंदवला जाईल, असे निरुपम यांनी स्पष्ट केले.


"उबाठाचे आमदार आदित्य ठाकरे यांची दिशा सालियन हत्याकांडात मोठी भूमिका आहे, याचे ठोस पुरावे आमच्याकडे आहेत," असा दावा संजय निरुपम यांनी पत्रकार परिषदेत केला.


सतीश सालियन यांनी मुंबई पोलीस आयुक्त विवेक फणसाळकर यांच्याकडे तक्रार दाखल केली आहे. ही तक्रार मालवणी पोलीस ठाण्यात एफआयआर नोंदणीसाठी पाठवण्यात आली आहे. दिशा सालियनचा मृत्यू ८ जून २०२० रोजी झाला होता, आणि तो संशयास्पद होता. मृत्यूपूर्वीच्या पार्टीत अनेक सेलिब्रिटींची उपस्थिती होती, अशी माहिती समोर आली आहे.


राज्य सरकारने या प्रकरणी विशेष तपास पथक (SIT) स्थापन केले असून चौकशी सुरू आहे. पोस्टमार्टम अहवाल तीन दिवस उशिराने मिळाला. दिशाचा मृतदेह इमारतीपासून २५ फूट अंतरावर सापडला, मात्र शरीरावर कोणतीही जखम नव्हती. या सर्व गोष्टी संशयास्पद असून, नव्याने सखोल चौकशी होणे गरजेचे आहे, असे निरुपम म्हणाले.


आदित्य ठाकरे यांनी सुप्रीम कोर्टात खोटे प्रतिज्ञापत्र सादर केले. सीबीआयने दिशा सालियन नव्हे, तर सुशांत सिंह राजपूत हत्येचा तपास केला होता. त्यामुळे खोट्या प्रतिज्ञापत्रावर कारवाई होईल, असे निरुपम यांनी सांगितले.


आदित्य ठाकरे, सूरज पांचोली, दिनो मोरिया यांच्यावर संशय आहे. हे सर्वजण ड्रग्ज रॅकेटशी संबंधित असल्याचा आरोप आहे. ड्रग्ज पुरवठादार समीर खान याने नार्कोटिक्स ब्युरोकडे कबुली दिली होती. चौकशीत समीर खानने आदित्य ठाकरे ड्रग्ज घेत असल्याचे सांगितले होते.

Comments
Add Comment

ST : राज्यातील सर्वात मोठे स्क्रॅपिंग सेंटर (भंगार केंद्र) एसटीच्या जागेवर उभारले जाणार, एसटी साठी उत्पन्नाचा नवा स्त्रोत निर्माण करणार...

मुंबई : एसटी विभागीतल जुनी वाहने  स्क्रॅप करून त्याचे सुटे भाग पुन्हा वापरात येणार नाहीत, अशा पद्धतीने त्यांची

पुढील दोन दिवस महत्त्वाचे! मुंबई, पुणे, दक्षिण कोकणसह राज्याच्या 'या' भागात मुसळधार पावसाची शक्यता, IMDचा ॲलर्ट

मुंबई : मुंबईमध्ये शुक्रवारी पावसाची उपस्थिती दिलासादायक होती. वीकेंडला एक-दोन ठिकाणी मुसळधार पावसाची शक्यता

दिलासादायक! मुंबईत कोविड शून्य रुग्ण नोंद

कोविड सदृश्य अथवा तत्सम लक्षणे आढळल्यास कृपया योग्य ती काळजी घ्यावी : बृहन्मुंबई महानगरपालिका प्रशासनाचे

रविवारी रेल्वेचा मेगाब्लॉक

मुंबई : मुंबई उपनगरीय रेल्वेचा रविवार २९ जून २०२५ रोजी मेगाब्लॉक आहे. ब्लॉक काळात उपनगरीय रेल्वे सेवेच्या

कचऱ्याच्या ढिगाऱ्यात सापडली लोडेड पिस्टल, खेळणी समजून मुलाने केला गोळीबार

12 वर्षांच्या मुलाकडून चुकून हवेत गोळीबार मुंबई:  दहिसर पूर्वच्या वैशाली नगर येथून एक धक्कादायक माहिती समोर येत

मध्य -हार्बर मार्गावर उद्या मेगा ब्लॉक

मुंबई : मध्य रेल्वेवर येत्या रविवारी विविध अभियांत्रिकी आणि देखभालीची कामे करण्यासाठी उपनगरीय विभागांवर मेगा