...तरीही महापालिका उपायुक्त (पायाभूत सुविधा) पद रिक्तच

  74

कंत्राटी उपायुक्त महालेचा कालावधी संपला, तरीही कायम उपायुक्तांची नियुक्ती करण्यास टाळाटाळ


पुन्हा सेवानिवृत्त अधिकाऱ्याची कंत्राटीतत्वावर नेमणूक करायची आहे की कुणा अधिकाऱ्यासाठी ठेवले जाते रिक्तपद


मुंबई (खास प्रतिनिधी) : मुंबई महापालिकेच्या कंत्राटी उपायुक्त (पायाभूत सुविधा) पदी असलेल्या उल्हास महाले यांचा कार्यभार १४ मार्च रोजी संपुष्टात आल्यानंतर या रिक्त जागेचा आता अतिरिक्त कार्यभार उपायुक्त (अभियांत्रिकी) शशांक भोरे यांच्याकडे सोपवण्यात आले आहे. या पदासाठी कायम उपायुक्ताची नेमणूक करणे आवश्यक असताना तसेच या पदासाठी जलअभियंता पुरुषोत्तम माळवदे यांना उपायुक्त पदी बढती देवून त्यांची यापदी नियुक्ती करण्यासाठी आयुक्तांकडे मंजुरीसाठी प्रस्ताव पाठवूनही त्त्याला मंजुरी मिळत नाही. उलट याला मंजुरी न देता उपायुक्त (पायाभूत सुविधा प्रकल्प) पदाचा अतिरिक्त कार्यभार भोळे यांच्याकडे सोपवल्यामुळे महाले यांना पुन्हा एकदा येण्याची संधी दिली जाणार आहे का की कुणा तरी अधिकाऱ्याची वर्णी लावण्यासाठी या पदाचा अतिरिक्त कार्यभार सोपवला का असा प्रश्न उपस्थित होत आहे.


मागील काही महिन्यांपूर्वी महापालिकेने आवश्यकता नसतानाही उल्हास महाले यांना सेवा निवृत्तीनंतर पुन्हा त्यांच्या त्याच उपायुक्त (पायाभूत सुविधा) या पदावर कंत्राटी तत्वावर सामावून घेतले. या कंत्राटी उपायुक्त पदाची नियुक्ती केवळ एक वर्षांकरता होता आणि याचा कालावधी १४ मार्च २०२५ रोजी संपुष्टात आला. त्यामुळे १२ मार्च २०२५ रोजी उल्हास महाले यांनी पदभार सोडला. त्यानंतर १७मार्च रोजी उपायुक्त शशांक भोरे यांच्याकडे सोपवण्यात अला आहे.


परंतु एक वर्ष सेवा निवृत्त झालेल्या महाले यांना कंत्राटी तत्वावर उपायुक्तपदी नेमल्यामुळे मागील वर्षभरात अनेक प्रमुख अभियंता पदावरून बढती मिळालेल्या उपायुक्तांना या पदाचा लाभमिळू शकला नाही. परंतु आता महाले यांचा कालावधी संपुष्टात आल्यानंतर यापदावर कायम उपायुक्ताची निवड होणे आवश्यक असतानाही प्रशासनाकडून पुन्हा कुणा अधिकाऱ्याला कंत्राटी पध्दतीवर येण्याच्या मार्ग खुला ठेवला आहे. तसेच कोणा एका अधिकाऱ्याला लाभ मिळावा यासाठी या पदावर अतिरिक्त पदाचा भार सोपवला आहे. मागील काही दिवसांपूर्वी जलअभियंता माळवदे यांचा प्रस्ताव तयार करून आयुक्तांच्या मंजुरीसाठी पाठवण्यात आला असून महाले यांच्यामुळे रिक्त होणाऱ्या जागेवर उपायुक्तपदी बढती देवून माळवदे यांची वर्णी लावण्यासाठी प्रस्ताव तयार केला होता.

Comments
Add Comment

उद्धव ठाकरे आणि आव्हाडांच्या भूमिकेवर भाजपचा सवाल

हिंदूंना बदनाम करण्याच्या आव्हाडांच्या आरोपांशी उद्धव ठाकरे सहमत आहेत का? भाजपचे मुख्य प्रवक्ते केशव उपाध्ये

लोकलमध्येही महिला सुरक्षित नाहीत ! पोलिसानेच केले महिलेसोबत घाणेरडे कृत्य

मुंबई : मुंबई लोकलमधील महिलांच्या सुरक्षेचा प्रश्न पुन्हा एकदा उपस्थित झाला आहे . सुरक्षेसाठी नेमलेले

मोठी बातमी : आता ‘पॅन २.०’ येणार! जुन्या 'पॅन कार्ड' चे काय होणार?

नवी दिल्ली : गेल्या काही दिवसांत पॅन २.० सातत्याने चर्चेत आहे. आयकर विभागाने PAN २.०च्या आधुनिकीकरणासाठी मोठं पाऊल

Housing Jihad: धक्कादायक! हिंदूंची घरं मुस्लिमांना देऊन बिल्डरांकडून मुंबईत हाऊसिंग जिहाद

हिंदू दहशतवाद म्हणणाऱ्या काँग्रेसवाल्यांसोबत डिनर करणाऱ्या उबाठावर संजय निरुपम यांचा घणाघात मुंबई: पश्चिम

गणेशभक्तांच्या सोयीसाठी गणेशोत्सवात रात्री उशिरापर्यंत लोकल आणि मेट्रो सुरु ठेवावी: मंत्री मंगलप्रभात लोढा

जनतेच्या मागणीसाठी रेल्वे आणि मेट्रो प्रशासनासोबत पाठपुरावा करणार मुंबई: महाराष्ट्र आणि मुंबई एमएमआर परिसरात

मुंबईत ५१ कबुतरखाने बंद... पक्ष्यांना खायला घालण्यास पूर्णपणे बंदी! आतापर्यंत १०० जणांहून अधिक लोकांना ठोठावला दंड

मुंबई: कबुतरांना खायला देण्यावरील बंदी लागू झाल्यापासून, बीएमसीने दादर कबुतरखान्यात १०० हून अधिक लोकांना दंड