दिसपूर : देशात ह्युमन मेटान्यूमोव्हायरस (HMPV) प्रकरणात वाढ होत आहे. असाच काहीसा प्रकार आसाममध्येही घडताना दिसत आहे. लखीमपूरमध्ये, एका १० महिन्यांच्या मुलाला एचएमपीव्ही व्हायरसची लागण झाली आहे. सध्या मुलाला दिब्रुगडमधील आसाम मेडिकल कॉलेज आणि हॉस्पिटलमध्ये दाखल करण्यात आलं आहे. डॉक्टरांच्या म्हणण्यानुसार, मुलाची प्रकृती स्थिर आहे आणि काळजी करण्यासारखं काहीही कारण नाही.
जिनीव्हा : ह्युमन मेटान्यूमोव्हायरस अर्थात HMPV संदर्भात जागतिक आरोग्य संघटना अर्थात WHO ने महत्त्वाची माहिती दिली आहे. थंडीच्या दिवसात विशिष्ट प्रकारचे ...
रुग्ण संख्येत सातत्याने वाढ
आसाममधील या प्रकरणासह, देशात एचएमपीव्ही प्रकरणांची एकूण संख्या १५ वर पोहोचली आहे. गुजरातमध्ये सर्वाधिक ४ प्रकरणे आहेत. यापूर्वी गुरुवारी ३ प्रकरणे नोंदवली गेली होती. रुग्णांची संख्या सातत्याने वाढत असल्याने लोकांमध्ये भीतीचे वातावरण निर्माण झाले आहे.
सतत हात स्वच्छ धुवा, मास्क घाला
तसेच रुग्णसंख्येची वाढ लक्षात घेत सिक्कीम सरकारने परिस्थितीवर बारकाईने लक्ष ठेवण्यासाठी एक सूचना जारी केली आहे. एका वरिष्ठ अधिकाऱ्याने सांगितले की, मुख्य सचिवांनी अलीकडेच आरोग्य आणि कुटुंब कल्याण विभागासोबत सध्याच्या धोक्याचे मूल्यांकन करण्यासाठी आणि राज्याच्या तयारीचा आढावा घेण्यासाठी बैठक घेतली. या बैठकीत आरोग्य आणि कुटुंब कल्याण विभाग सतत परिस्थितीवर लक्ष ठेवून आहे. साबणाने सतत हात स्वच्छ धुवा, मास्क घाला असा सल्ला देण्यात येत आहे.(HMPV)