थर्टी फर्स्टच्या पूर्वसंध्येला ट्रेकिंग करणे भोवले, तीन जण रुग्णालयात
ठाणे : थर्टी फर्स्टच्या पूर्वसंध्येला ट्रेकिंग करणे १० युवकांना चांगलेच भोवले आहे. सोमवारी सकाळी ट्रेकिंगसाठी येऊरच्या डोंगरात गेलेल्या युवकांवर मधमाश्यांनी हल्ला चढवल्याने भेदरलेले हे युवक डोंगरात अडकून पडले. सुदैवाने, या घटनेवी कुणकुण लागल्याने वर्तकनगर पोलीस, टीडीआरएफ जवान आ ठाणे महापालिकेच्या आपत्ती व्यवस्थापन कक्षाच्या बचाव पथकाने सर्व युवकांची सुटका केली. मात्र, मधमाश्यांच्या हल्यात सर्वजण जखमी झाले असून यापैकी सात जणांना पालकांच्या स्वाधीन केले अाहे. तीन जणांवर खासगी रुग्णालयात उपचार सुरू आहेत, अशी माहिती ठामपा आपत्ती व्यवस्थापन कक्षाने दिली.
कल्याण:कल्याणजवळील आंबिवली येथे अघोरी विद्येच्या नावाखाली भोंदूबाबाने मुलीसोबत अश्लील चाळे केल्याचे संतापजनक कृत्य घडले आहे. अघोरी विद्येच्या ...
ठाण्याच्या लगत असलेल्या येऊर येथे भागात संजय गांधी राष्ट्रीय उद्यान आहे. या डोंगरावर सोमवारी सकाळच्या सुमारास दहा युवक ट्रेकिंगसाठी गेले होते. जंगलात त्यांचा रस्ता चुकला. जवळपास ४ किलोमिटर हे युवक जंगलात गेले होते. तेव्हा, अचानक मधमाश्यांचे मोहोळ उठले. मधमाश्यांच्या भीतीमुळे ही मुले सैरावरा पळू लागली. मधमाश्यांनी सर्वांवर हल्ला चढवल्याने भरकटलेले युवक तिकडेच अडकले होते. यापैकी एकाने वर्तकनगर पोलीस ठाण्यात फोन करून आम्ही अडकलो असल्याची माहिती दिली. तेव्हा पोलिसांनी ताबडतोब सूत्रे हलवली. ठाणे महापालिकेचा आपत्ती विभाग, टीडीआरएफ जवानाच्या टीमने डोंगराकडे कुच केली. त्यानंतर तब्बल दीड तासांच्या प्रयत्नांनंतर या युवकांची सुखरूप सुटका झाली.
डोंगरामध्ये अडकलेल्या मुलांची नावे
ऋषी घोसाळकर (१८) रा. चेंदणी कोळीवाडा, कोपरी, ठाणे (पू.), समर्थ मयेकर (१८) रा. घणसोली, नवी मुंबई, प्रणव परब (१८ वर्षे) रा. विक्रोळी, मुंबई, वरद बासा (१८ वर्षे) रा. विक्रोळी, मुंबई, सोहम देशमुख (१८ वर्षे ) रा. वैशाली नगर, श्रीनगर, ठाणे, कुणाल पानमंद (१८ वर्षे) रा. घाटकोपर, मुंबई, तन्मय नाईक (१८) रा. मुलुंड, मुंबई, रोहन घरुड (१८) रा. मुलुंड, मुंबई, अलोक यादव (१८) रा. कळवा, ठाणे, आर्य यादव (१८) रा. कांजूरमार्ग, मुंबई.