Monday, July 15, 2024
Homeताज्या घडामोडीVidhan Parishad Elections : विधानपरिषदेसाठी भाजपकडून तीन जागांवर उमेदवार जाहीर!

Vidhan Parishad Elections : विधानपरिषदेसाठी भाजपकडून तीन जागांवर उमेदवार जाहीर!

कोकण पदवीधर, मुंबई शिक्षक आणि मुंबई पदवीधर जागांचा समावेश

मुंबई : लोकसभा निवडणुकीच्या (Loksabha Election) धामधुमीतच महाराष्ट्रातील विधानपरिषदेच्या (Vidhan parishad) ४ जागांसाठी निवडणुकांचा घाट घालण्यात आला आहे. यासाठी २६ जून रोजी मतदान पार पडणार आहे, तर १ जुलै रोजी मतमोजणी होणार आहे. दरम्यान, भारतीय जनता पक्षाने या निवडणुकीकरता कोकण पदवीधर, मुंबई शिक्षक आणि मुंबई पदवीधर जागांवर आपले उमेदवार जाहीर केले आहेत.

भाजपाने कोकण विभाग पदवीधरसाठी निरंजन वाडखरे, मुंबई पदवीधर मतदारसंघासाठी किरण रविंद्र शेलार आणि मुंबई शिक्षक मतदारसंघासाठी शिवनाथ हिरामन दराडे यांना उमेदवारी दिली आहे. भाजपने पत्रक काढून यासंदर्भातील माहिती दिली आहे.

विधानपरिषदेच्या चार जागांमध्ये दोन शिक्षक तर दोन पदवीधर मतदारसंघांसाठी ही निवडणूक होत आहे. मुंबई आणि कोकण पदवीधर मतदार संघ, तर नाशिक आणि मुंबई शिक्षक मतदार संघात ही निवडणूक होणार आहे. ७ जुलै २०२४ रोजी मुंबई पदवीधर मतदारसंघाचे आमदार विलास पोतनीस, कोकण पदवीधर मतदारसंघाचे आमदार निरंजन डावखरे, नाशिक शिक्षक मतदारसंघाचे आमदार किशोर दराडे तसेच मुंबई शिक्षक मतदारसंघाचे आमदार कपिल पाटील यांचा कार्यकाळ संपणार आहे. त्यामुळे या चार जागांसाठी निवडणूक कार्यक्रम जाहीर करण्यात आला आहे.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -