ठाण्यात ऑनलाईन फ्रॉड करणारे तिघे अटकेत

  66

स्वस्त कपड्यांच्या जाहिरातीतून फसवणुकीचा प्रकार


ठाणे : इन्स्टाग्राम अकाऊंटद्वारे स्वस्तात कपड्यांची जाहीरात करुन ऑनलाईन फ्रॉड करणाऱ्या तिघांना ठाणे पोलिसांनी अटक केली आहे. आतापर्यंत सुमारे १२०० जणांची आर्थिक फसवणूक केली असल्याची माहिती तपासात पुढे आली आहे. या तिघांना २ एप्रिल पर्यंत पोलीस कोठडी सुनावण्यात आली आहे.


या प्रकरणी सुफीयान शफीक खान (२३) रा. जास्मीन पार्क मुंब्रा, फुरकान रिजवान खान (२०) रा. मुंब्रा आणि कामरान इस्माईल शेख (१९) रा. चारमीनार लॉन्स जवळ, मुंब्रा यांना अटक करण्यात आले आहे. २० मार्च रोजी मुंब्रा येथील एका व्यक्तीने परिमंडळ १ ठाणे कार्यालयात येऊन माहिती दिली होती. त्यानुसार काही इसम हे मागील दोन ते अडीच वर्षांपासून फेक इन्स्टाग्राम अकाऊंट बनवून त्याद्वारे कपड्यांची जाहीरात करीत आहेत. त्यांचे अकाऊंट वरील स्टेटस पाहिले असता ते ग्राहकांना कपडे आवडल्यास इन्स्टाग्रामवरील व्हॉट्सअॅप लिंक वर जाऊन त्यांना केवळ हाय असा मेसेज केल्यास ते तत्काळ प्रतिउत्तर देतात व त्यांच्याकडे मेसेजद्वारे त्याचे पूर्ण माहिती मागवतात. त्यामध्ये 'नो कॅश ऑन डिलीव्हरी' असे नमूद करून पुढील ७ ते १२ दिवसात बुकिंग केलेला माल न मिळाल्यास पैसे परत केले जातील, असे लिहून मेसेज फॉरवर्ड करतात. ग्राहक हे पैसे पाठवत होते. परंतु कपडे न मिळाल्याने फोन केल्यावर कोणताच प्रतिसाद मिळत नाही.


या फसवणुकीची माहिती मिळाल्यावर त्यांचे लोकेशन तपासून त्यांच्या मुंब्रा येथील राहत्या घरून त्यांना ताब्यात घेतले. त्यांच्या मोबाइलमधील १ हजार ते १२०० नंबर ब्लॉक केल्याचे आढळून आले आहे. या कपडे विक्रीसाठी बँक अकाऊंट दुसऱ्याच व्यक्तीचा दिला जात होता. त्याच्या खात्यातून ते पैसे वळते करत असत, अशी माहिती तपासात पुढे आली आहे. तर ब्लॉक केलेल्या यादीतील एक ग्राहकाकडे विचारणा केली असता, आपली फसवणूक झाल्याचे त्याने सांगितले. तर अशा प्रकारच्या ऑनलाईन अमिषांना बळी पडू नका, असे आवाहन परिमंडळ १ चे पोलीस उपायुक्त सुभाष बुरसे यांनी दिली.


Comments
Add Comment

कल्याणमध्ये भीषण अपघात: ट्रकने दुचाकीस्वार महिलेला चिरडले, जागीच मृत्यू

ठाणे: कल्याण पश्चिम येथील निक्कीनगर परिसरात एका दुचाकीस्वार महिलेचा भीषण अपघातात दुर्दैवी मृत्यू झाला. आपल्या

बैलपोळाच्या दिवशी नदीमध्ये वाहून गेलेल्या युवकाचा मृतदेह गवसला

अकोला: मूर्तिजापूर तालुक्यातील एक युवक बैलपोळा सणाच्या दिवशी बैलांना धुण्यासाठी पेढी नदीवर गेला असता, अचानक पाय

छत्रपती संभाजीनगरला २४x७ शाश्वत पाणीपुरवठ्याचा मार्ग मोकळा; २६ द.ल.ली. जलशुद्धीकरण केंद्राचे मुख्यमंत्र्यांच्या हस्ते उद्घाटन

छत्रपती संभाजीनगर : छत्रपती संभाजीनगर शहर पाणीपुरवठा योजनेच्या माध्यमातून पुढील २५-३० वर्षे शहराच्या अपेक्षित

मराठा आरक्षणासाठी समितीचे नवीन अध्यक्ष!

मुंबई: भाजपच्या नेतृत्वाखालील 'महायुती' सरकारने जलसंपदा मंत्री राधाकृष्ण विखे पाटील यांची मराठा समाजाच्या

दहावीच्या विद्यार्थिनीवर स्कूल बसचालकाकडून लैंगिक अत्याचार

जळगाव : दहावीतील विद्यार्थिनीवर स्कूल बसचालकानेच शेतात नेऊन लैंगिक अत्याचार केल्याची घडली. जळगावच्या पाचोरा

निफाडमध्ये चक्क कुत्र्यानेच बिबट्याला नेले फरपटत

निफाड : संपूर्ण तालुक्यात बिबट्याची दहशत असल्याचे नागरिकांना पशुधन सांभाळण्यासाठी जागता पहारा द्यावा लागत आहे.