Monday, July 22, 2024
Homeक्रीडाU19 World Cup 2024:भारत-ऑस्ट्रेलिया यांच्यात रंगणार फायनल

U19 World Cup 2024:भारत-ऑस्ट्रेलिया यांच्यात रंगणार फायनल

मुंबई: अंडर १९ वर्ल्डकप २०२४मध्ये गुरूवारी पाकिस्तान आणि ऑस्ट्रेलिया यांच्यात दुसरा सेमीफायनलचा सामना खेळवण्यात आला. हा सामना खूपच रोमहर्षक राहिला. यात कांगारूच्या संघाने १ विकेटनी विजय मिळवला आणि फायनलमध्ये प्रवेश केला.

आता फायनल सामन्यात ऑस्ट्रेलियाची टक्कर भारतीय संघाशी होणार आहे. हा खिताबी सामना रविवारी ११ फेब्रुवारीला बेनोनीमध्ये खेळवला जाणार आहे. भारतीय संघाने आपल्या सेमीफायनल सामन्यात दक्षिण आफ्रिकेला २ विकेटनी हरवले होते.

पाकिस्तान संघाने दिले होते १८० धावांचे छोटे आव्हान

दुसऱ्या सेमीफायनल सामन्यात टॉस हरल्यानंतर पाकिस्तानी संघाने पहिल्यांदा बॅटिंग करताना खूप सुरूवात केली आणि संपूर्ण संघ १७९ धावांवर बाद झाला. सामन्यादरम्यान पाकिस्तान संघाची स्थिती खूप खराब झाली. त्यांनी ७९ धावांवर पाच विकेट गमावले होते.

यानंतर अजान अवैस(५२) आणि अराफात मिन्हास(५२)ने अर्धशतक ठोकत पाकिस्तानला सन्मानजनक धावसंख्येवर पोहोचवले. पाकिस्तानने पहिल्यांदा खेळताना ४८.५ षटकांत ऑलआऊट होईपर्यंत १७९ धावा केल्या. ऑस्ट्रेलियासाठी टॉम स्ट्रेकरे ९.५ षटकांत २४ धावा देत सर्वाधिक ६ विकेट मिळवल्या.

शेवटची विकेट आणि ऑस्ट्रेलिया संघाने केल्या १६ धावा

१८० धावांच्या आव्हानाचा पाठलाग करताना ऑस्ट्रेलिया संघाने १६४ धावांवर ९ विकेट गमावल्या होत्या. त्यांना २४ बॉलमध्ये विजयासाठी १६ धावा हव्या होत्या. तसेच फक्त एक विकेट त्यांच्या हातात होता. मात्र राफ मॅकमिलनने नाबाद १९ धावांची खेळी करत संपूर्ण चित्रच बदलले. मॅकमिलनला कॅलम विडलरने साथ दिली. त्याने ९ बॉलमध्ये नाबाद २ धावा केल्या.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -