भारतीय क्रिकेटमधील युवा स्टार वैभव सूर्यवंशी (Vaibhav Suryavanshi) सध्या दुलीप ट्रॉफीतील पदार्पणामुळे चर्चेत आहे. अवघ्या १५ वर्षांच्या वैभवने आंतरराष्ट्रीय क्रिकेटमध्ये पदार्पण केल्यानंतर आता देशांतर्गत क्रिकेटमध्येही पाऊल ठेवलं आहे. दुलीप ट्रॉफीमध्ये तो ईस्ट झोनचा उपकर्णधार आहे. मात्र, दुलीप ट्रॉफीतील पहिल्याच सामन्यात त्याला अपेक्षित कामगिरी करता आली नाही. त्याने केवळ ६ चेंडूंचा सामना करत ८ धावा केल्या आणि दुसऱ्याच षटकात बाद झाला. मात्र, त्याच्या फलंदाजीपेक्षा जर्सीवरील नंबरने सर्वांचं लक्ष वेधून घेतलं. (Vaibhav Suryavanshi)
जर्सीवर टेप लावून १३ बनवलं ३!
वैभव सूर्यवंशी मैदानात उतरला तेव्हा त्याच्या जर्सीवर एक नंबर टेपने झाकलेला दिसला. त्याची जर्सी मूळतः १३ नंबरची होती. मात्र, वैभवने १ हा अंक टेपने झाकून जर्सीचा नंबर ३ असा केला होता. हा प्रकार पाहून क्रिकेट चाहत्यांमध्ये उत्सुकता निर्माण झाली. वैभवने १३ नंबर का लपवला आणि त्याला ३ नंबरच का हवा आहे, असा प्रश्न उपस्थित झाला. (Vaibhav Suryavanshi)
UP T20 League Rinku Singh : यूपी टी२० लीग २०२६ मध्ये रिंकू सिंहने पुन्हा एकदा आपल्या आक्रमक फलंदाजीची झलक दाखवली आहे. स्पर्धेतील १६व्या सामन्यात मेरठ मेव्हरिक्स आणि ...
राजस्थान रॉयल्सकडूनही ३ नंबरची जर्सी :
वैभव सूर्यवंशी आयपीएलमध्ये राजस्थान रॉयल्सकडून खेळताना देखील ३ नंबरची जर्सी परिधान करताना दिसला होता. त्यामुळे ३ हा नंबर त्याच्यासाठी विशेष असल्याचं स्पष्ट होतं. दुलीप ट्रॉफीमध्येही त्याला ३ नंबरची जर्सीच हवी होती. मात्र, त्याला ३ नंबरची जर्सी उपलब्ध न झाल्याने त्याने मिळालेल्या १३ नंबरच्या जर्सीवरील ‘१’ हा अंक टेपने झाकून टाकला आणि ३ नंबरची जर्सी तयार केली. (Vaibhav Suryavanshi)
आईच्या सल्ल्यामुळे ३ नंबरची निवड?
वैभवच्या जर्सी नंबरमागे त्याच्या आईचा सल्लाही असल्याचं समोर आलं आहे. अंकशास्त्रानुसार ३ हा नंबर शुभ असल्याचं मानून वैभवच्या आईने त्याला हा नंबर वापरण्याचा सल्ला दिला होता. वैभवच्या आईने त्याला १ आणि २ मिळून ३ होतात, त्यामुळे १२ नंबरची जर्सी घालण्यापेक्षा ३ नंबरची जर्सी निवडावी, असं सांगितल्याचं वृत्त आहे. त्यानंतर वैभवने ३ नंबरला विशेष महत्त्व दिलं. (Vaibhav Suryavanshi)
कोलंबो : भारत आणि श्रीलंका यांच्यातील दुसऱ्या कसोटी सामन्यातील दुसऱ्या दिवसाचा खेळही वाद आणि नाट्यमय घडामोडींनी गाजला. पहिल्या दिवशी यशस्वी जयस्वाल ...
दुलीप ट्रॉफी पदार्पणात केवळ ८ धावा :
दुलीप ट्रॉफीतील पहिल्या सामन्यात वैभवकडून मोठ्या खेळीची अपेक्षा होती. मात्र, त्याला केवळ ८ धावांवर समाधान मानावं लागलं. वैभवने सुरुवातीला आक्रमक फलंदाजी करत सलग दोन चेंडूंवर दोन चौकार लगावले. मात्र, त्यानंतर मोठा फटका खेळण्याच्या प्रयत्नात तो स्लिपमध्ये झेलबाद झाला. अवघ्या १५ वर्षांच्या या युवा फलंदाजासाठी दुलीप ट्रॉफीचा अनुभव मात्र महत्त्वाचा ठरणार आहे. आंतरराष्ट्रीय क्रिकेट आणि आयपीएलनंतर आता देशांतर्गत क्रिकेटमध्ये त्याच्या कामगिरीकडेही क्रिकेट चाहत्यांचं लक्ष लागलं आहे. (Vaibhav Suryavanshi)
