मुंबई हल्ल्याचा मास्टरमाईड दाऊद इब्राहिमला दिले विष? सोशल मीडियावर दावा

  114

नवी दिल्ली: मोस्ट वाँटेड अंडरवर्ल्ड डॉन दाऊद इब्राहिमबाबत(dawood) सध्या सोशल मीडियावर जोरदार चर्चा सुरू आहेत. त्याच्याबद्दल असा दावा केला जात आहे की दाऊदला कराचीमध्ये विष देण्यात आले आहे. यानंतर त्याला रुग्णालयात दाखल करण्यात आले आहे येथे त्याची प्रकृती गंभीर असल्याचे सांगितले जात आहे. दरम्यान, याबाबत कोणत्याही प्रकारची माहिती समोर आलेली नाही.


सोशल मीडियावर अनेक युजर्सकडून दावा केला जात आहे की दाऊद इब्राहिमला कराचीच्या रुग्णालयात दाखल करण्यात आले आहे. असा दावा केला जातोय की एका अज्ञात व्यक्तीने त्याला विष दिले. यामुळेच दाऊदला रुग्णालयात दाखल करण्यात आले आहे.


विष दिल्या गेल्याच्या बातमीला अद्याप कोणाकडूनही दुजोरा मिळालेला नाही. दरम्यान, असेही सांगितले जात आहे की मुंबई पोलीस अधिकारी दाऊदचे जवळच्या नातेवाईकांकडूनही याबाबतची अधिक माहिती मिळवण्याचा प्रयत्न करत आहेत.



पाकिस्तानी मीडियाने दिला सोशल मीडियाचा हवाला


जिओ टीव्ही न्यूजने सोशल मीडियावर सुरू असलेल्या या चर्चांचा हवाला देताना सांगितले की अंडरवर्ल्ड डॉन दाऊद इब्राहिमबाबत अफवा सुरू आहे. यात दाऊदची स्थिती गंभीर असल्याने त्याला कराचीच्या रुग्णालयात दाखल करण्यात आले आहे. याचे कारण विष दिल्याचे सांगितले जात आहे.



पाकिस्तानात सोशल मीडिया सर्व्हर डाऊन


याबाबतच पाकिस्तानी पत्रकार आरजू काजमीनेही यूट्यूबवर व्हिडिओ पोस्ट केला आहे. यात सोशल मीडियावर सुरू असलेल्या चर्चांबाबतचा विषय होता. याबाबतच्या घटनेबाबत बोलताना सांगितले की पाकिस्तानात सोशल मीडिया प्लॅटफॉर्म काम करत नाहीयेत. यूट्यूब, गुगल आदि सर्व्हर डाऊन आहेत.



मुंबई हल्ल्याचा मास्टरमाईंड


१९९३मध्ये मुंबईत झालेल्या सीरियल ब्लास्टचा मास्टरमाईंड तो होता. स्फोट घडवून आणल्यानंतर तो दुबईला पळून गेला होता. त्यानंतर तो पाकिस्तानात राहत आहे. तेथे तो कुटुंबियांसोबत राहत आहे. त्याच्याविरोधात भारतात दहशतवादी हल्ला, हत्या, अपहरण, सुपारी हत्या, संगठित अपराध, ड्रग्सत, हत्यांरांची तस्करी अशी अनेक प्रकरणे आहेत. २००३मध्ये त्याला जागतिक दहशतवाही म्हणून घोषित करण्यात आले.

Comments
Add Comment

संघाची जोधपूरमध्ये ५ ते ७ सप्टेंबरदरम्यान बैठक

नवी दिल्ली : राष्ट्रीय स्वयंसेवक संघाची वार्षिक अखिल भारतीय समन्वय बैठक यंदा ५ ते ७ सप्टेंबर या कालावधीत

हैदराबादमध्ये क्रौर्याचा कळस! पतीने गर्भवती पत्नीची हत्या करून मृतदेहाचे केले तुकडे

हैदराबाद: तेलंगणाची राजधानी हैदराबादमध्ये एका अत्यंत धक्कादायक घटनेने सगळ्यांनाच हादरवून सोडले आहे. एका पतीने

गंभीर गुन्ह्याप्रकरणी तुरुंगात गेल्यास पीएम सीएमना हटवणाऱ्या विधेयकाप्रकरणी विरोधकांचा रडीचा डाव

नवी दिल्ली : गंभीर गुन्ह्याप्रकरणी किमान ३० दिवस तुरुंगात घालवले किंवा तशी कोठडी देण्यात आली तर संबंधित मंत्री

रस्ते अपघातामध्ये प्रसिद्ध भारतीय क्रिकेटपटूचा मृत्यू, सीसीटीव्हीमध्ये दुर्घटना कैद

जम्मू आणि काश्मीर: रस्ते अपघातामध्ये भारतीय क्रिकेटपटूचा मृत्यू झाल्याची हृदयद्रावक घटना घडली आहे. या अपघाताचं

गगनयान मोहिमेसाठीची इस्रोची एअर ड्रॉप चाचणी यशस्वी

नवी दिल्ली : गगनयान मोहिमेसाठी इस्रोने यशस्वी एअर ड्रॉप चाचणी घेतली. ही पहिली एअर ड्रॉप चाचणी होती, जी पूर्ण

भारताच्या स्वदेशी हवाई संरक्षण यंत्रणांची यशस्वी चाचणी

नवी दिल्ली : डीआरडीओने भारताच्या एकात्मिक हवाई संरक्षण यंत्रणेसाठी शुक्रवारी २३ ऑगस्ट रोजी यशस्वी चाचण्या