Friday, July 12, 2024
Homeमहत्वाची बातमीBangladesh Train: बांगलादेशमध्ये दोन रेल्वेंची टक्कर, १५ जणांचा मृत्यू

Bangladesh Train: बांगलादेशमध्ये दोन रेल्वेंची टक्कर, १५ जणांचा मृत्यू

ढाका: बांगलादेशच्या राजधानी ढाकाजवळ(dhaka) सोमवारी रेल्वेचा मोठा अपघात(railway accident) झाला. यात दोन रेल्वेंची टक्कर झाली. या अपघातात १५ लोकांचा मृत्यू झाला आहे तर अनेक जण जखमी झाले आहेत. ढाका ट्रिब्युनच्या रिपोर्टनुसार हा अपघात दुपारी किशोरगंजच्या भैरबमध्ये झाला. येथे एक मालगाडी प्रवासी रेल्वेला धडकली. दरम्यान, या अपघातात अधिक जिवितहानी होण्याची शक्यता आहे.

स्थानिक पोलिसांनी दिलेल्या माहितीनुसार, हा अपघात राजधानी ढाकापासून साधारण ८० किमी अंतरावर भैरब येथे झाला. स्थानिक पोलीस अधिकारी सिराजुल इस्लाम यांच्या माहितीनुसार यात मृत्यूमुखी पडलेल्यांची संख्या वाढू शकते. कारण तेथे बचावकार्य सुरू आहे. प्रत्यक्षदर्शींनी दिलेल्या माहितीनुसार अनेक लोक रेल्वेच्या खाली अडकले होते. अनेक जखमी लोक विखुरलेल्या डब्यांच्या खाली होते. अग्निशमन दलाचे अधिकारी तेथे पोहोचले असून बचावकार्य सुरू आहे.

रिपोर्टनुसार, सध्या बचाव कार्य सुरू असून अपघातात जखमी झालेल्या व्यक्तींना जवळच्या रुग्णालयात नेण्यात आले आहे. स्थानिक लोकही जखमींना बाहेर काढण्यासाठी मदत करत आहेत.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -