Mexico Puebla Shooting : मेक्सिकोच्या प्युएब्लामध्ये गोळीबार; एका अल्पवयीन मुलासह १० जणांचा मृत्यू

मेक्सिको : मेक्सिकोमधील पुएब्ला राज्यात झालेल्या भीषण सशस्त्र हल्ल्यात (Mexico Puebla Shooting) किमान १० जणांचा मृत्यू झाला आहे. वृत्तसंस्था रॉयटर्सने दिलेल्या माहितीनुसार, राज्याच्या सार्वजनिक सुरक्षा मंत्रालयाने रविवारी या घटनेची अधिकृत पुष्टी केली. या हल्ल्यामुळे संपूर्ण परिसरात भीतीचे वातावरण निर्माण झाले असून सुरक्षा यंत्रणा सतर्क करण्यात आली आहे.

मंत्रालयाने दिलेल्या माहितीनुसार, मृतांमध्ये सहा पुरुष, तीन महिला आणि एका अल्पवयीन मुलाचा समावेश आहे. हा हल्ला पुएब्ला (Mexico Puebla Shooting) राज्यातील तेहुइत्झिंगो नगरपालिका परिसरात घडला. येथे सशस्त्र हल्लेखोरांनी नागरिकांना लक्ष्य करत अंधाधुंद गोळीबार केला. हल्ल्यानंतर परिसरात एकच खळबळ उडाली.

Badlapur Crime : बदलापूरमधील पीडित चिमुकलींच्या शिक्षणाची जबाबदारी अखेर सरकारने उचलली!

घोषणेनंतर तब्बल दोन वर्षांनी दहावीपर्यंतचे शुल्क मंजूर; 'आरटीई'अंतर्गत शाळांना थेट निधी देणार मुंबई : संपूर्ण देशाला हादरवून सोडणाऱ्या बदलापूर ...

घटनेनंतर प्रशासनाने मोठ्या प्रमाणावर सुरक्षा दल तैनात केले आहे. राज्याच्या सार्वजनिक सुरक्षा मंत्रालयाने स्पष्ट केले की, या सामूहिक हत्याकांडातील आरोपींना कोणतीही सूट दिली जाणार नाही. दोषींविरोधात कठोर कारवाई करण्यात येईल आणि “शून्य दंडमुक्ती” धोरणांतर्गत त्यांना शिक्षा मिळवून देण्यासाठी सर्वतोपरी प्रयत्न केले जातील. (Mexico Puebla Shooting)

Nitesh Rane : इंधन बचतीसाठी मंत्री नितेश राणे यांचा मेट्रोने प्रवास

मुंबई : जागतिक इंधन संकटाच्या पार्श्वभूमीवर पंतप्रधान नरेंद्र मोदी यांनी केलेल्या इंधन बचतीच्या आवाहनाला प्रतिसाद देत राज्याचे मत्स्यव्यवसाय आणि ...

La masacre en Puebla que consterna a México. Entre las 10 personas acribilladas por grupo armado en Tehuitzingo hubo menores y una bebita. Autoridades niegan móvil de crímen organizado, el pueblo tiene otros datos. La peor ola de violencia en Mx. Video: Noticias Atlixco pic.twitter.com/QLUwu5SaZ6

— Jesús Rubén Peña (@revistacodigo21) May 18, 2026

या हल्ल्यामागील नेमके कारण अद्याप स्पष्ट झालेले नाही. मात्र, गुप्तचर विभाग आणि तपास यंत्रणा या प्रकरणाचा सखोल तपास करत आहेत. राज्य आणि संघीय तपास संस्थांनी संयुक्त मोहीम सुरू केली असून आरोपींचा शोध घेण्यासाठी विशेष पथके तयार करण्यात आली आहेत. (Mexico Puebla Shooting)

India - Sweden Bilateral Talks : पंतप्रधान मोदींची स्वीडनच्या पंतप्रधानांसोबत द्विपक्षीय चर्चा

नवी दिल्ली : पंतप्रधान नरेंद्र मोदी (PM Narendra Modi) यांनी स्वीडनमधील गॉथेनबर्ग येथे पंतप्रधान महामहीम उल्फ क्रिस्टरसन यांच्यासोबत द्विपक्षीय (India - Sweden Bilateral Talks) ...

दरम्यान, या हल्ल्याची जबाबदारी अद्याप कोणत्याही संघटनेने स्वीकारलेली नाही. गेल्या काही वर्षांपासून मेक्सिकोतील अनेक राज्यांमध्ये संघटित गुन्हेगारी, टोळी युद्धे आणि हिंसाचाराच्या घटनांमध्ये मोठी वाढ झाली आहे. त्यामुळे देशातील कायदा व सुव्यवस्था आणि नागरिकांच्या सुरक्षेबाबत गंभीर चिंता व्यक्त केली जात आहे. (Mexico Puebla Shooting)