बुलढाणा : बुलढाणा जिल्ह्यात राष्ट्रीय महामार्ग क्रमांक ६ (National Highway 6) वर भीषण अपघात (Buldhana Accident) झाला आहे. खामगाव – मलकापूर दरम्यान वडनेर गावाजवळ महामार्गाच्या कडेला झोपलेल्या मजुरांना एका भरधाव ट्रकने चिरडले आहे. या अपघातात चार जणांचा मृत्यू झाला असून सहा जण गंभीर जखमी आहेत. अपघात झाल्याचे कळताच पोलिसांनी तातडीने या ठिकाणी धाव घेतली. तसेच स्थानिकांनी देखील या ठिकाणी गर्दी केली. सध्या मोठा पोलीस बंदोबस्त करण्यात आला असून जखमींना मलकापूर शासकीय रुग्णालयात उपचाराकरिता दाखल करण्यात आले आहे.
रस्त्याच्या कडेला झोपलेले हे सर्व मजूर मध्य प्रदेशातून महामार्गाच्या कामासाठी आले होते. रात्री दमून झोपलेल्या अवस्थेत असताना काळाने त्यांच्यावर घाला घातला. भरधाव ट्रक घेऊन येणाऱ्या ट्रक चालकाचे गाडीवरील नियंत्रण सुटल्याने हा अपघात घडल्याची शंका पोलिसांनी व्यक्त केली आहे. या अपघातात तीन मजूरांचा जागीच मृत्यू झाला तर एकाचा रुग्णालयात मृत्यू झाला. सहा मजूर हे जखमी झाले असून यातील तिघांची प्रकृती चिंताजनक आहे.
सर्व मजूर गेल्या आठवड्यात मध्य प्रदेशातून महामार्गाच्या कामावर मजुरी करण्यासाठी या ठिकाणी आले होते. सकाळी साडेपाच वाजता हे सर्व मजूर झोपलेले असताना यांना भरधाव ट्रकने चिरडलं. पोलिसांनी तात्काळ स्थानिकांच्या मदतीने या सर्वांना मलकापूर येथील शासकीय रुग्णालयात दाखल केलं. पोलिस या प्रकरणाचा अधिक तपास करत आहेत. तसेच मृतांची ओळख पटवण्याचे काम सुरू आहे.
बुलढाणा : बुलढाणा (Buldhana News) जिल्ह्यातून एक अतिशय धक्कादायक घटना घडल्याचे उघडकीस आले आहे. बुलढाण्यात…
कारचालक फरार मुंबई : राज्यभरात हिट अँड रनच्या (Heat And Run) वाढत्या केसेसमुळे चिंतेचे वातावरण निर्माण झाले…
नागपूर : विदर्भात अधिकाधिक रोजगारनिर्मिती होण्याच्या दृष्टीने सर्व सुविधांनी परिपूर्ण औद्योगिक क्षेत्र निर्माण करण्यावर आपण…
मुंबई : मुंबई मेट्रो मार्ग ३ साठी केंद्र सरकारद्वारे जपान आंतरराष्ट्रीय सहकार्य संस्था (जायका) यांच्या…
सुरत: सुरतच्या सचिन परिसरात शनिवारी बहुमजली इमारत कोसळली. ही इमारत कोसळल्यानंतर एनडीआरएफ, फायर ब्रिगेडचे संघ…
मुख्यमंत्री एकनाथ शिंदे स्वीकारणार पुरस्कार मुंबई : १५ व्या कृषी नेतृत्व पुरस्कार समितीचा २०२४ चा…